Свет
Меркел на состанок со федералните лидери, ќе одлучуваат за нови мерки
Германската канцеларка Ангела Меркел ќе се состане со федералните лидери да разговараат дали е потребно враќање кон построго затворање откако земјата го надмина клучниот праг на бројот на заразени со коронавирус.
И покрај надежите дека за време на велигденскиот викенд, кој паѓа на почетокот на април оваа година, ќе има ублажување на мерките, Германија најверојатно ќе ги запре своите планови за повторно отворање откако седумдневната инциденца на нови случаи на инфекција вчера ја премина критичната точка.
Официјалните лица претходно се согласија да ги обноват ограничувањата доколку бројот на нови случаи на 100.000 жители во текот на една недела го надмине прагот од 100 за три последователни дена.
Владини претставници и шефови на држави, кои виртуелно ќе се состанат, исто така треба да разговараат за можноста барем на граѓаните да им дозволат да патуваат на одмор во нивните држави за време на велигденските празници.
Бројот на потврдени случаи на коронавирус во Германија се зголеми денеска за 7.709, на вкупно 2.677.225, според Институтот за инфективни болести „Роберт Кох“. Пријавени се уште 50 смртни случаи, така што сега има вкупно 74.714, покажаа податоците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.