Свет
Меј го критикуваше говорот на Кери за Блискиот исток, САД изненадени
Британската премиерка Тереза Меј го критикуваше во петокот говорот на американскиот државен секретар Џон Кери за Блискиот исток, и смета дека тој претставува напад врз израелската влада, на што американскиот Стејт департмент објави дека „се изненадени“ од нејзината критика за мислењето на шефот на дипломатијата за блискоисточниот мировен процес.
Американскиот државен секретар Џон Кери во својот говор во средата за Блискиот исток ја опиша владата на израелскиот премиер Бенјамин Нетанјаху како „најдесната во израелската историја“.
Предупреди, исто така, дека е загрозено решавањето на израелско-палестинскиот судир кој предвидуваше две држави, и истакна дека САД не можат да останат настрана додека насилството и израелското населување на окупираните палестински територии на Западниот брег (од реката Јордан) и во источен Ерусалим го ризикуваат поткопувањето на мирот.
„Трајната политика на градење населби е она што претставува ризик мирот да го направи невозможен“, рече Кери. Според него резолуцијата е зачувување на можноста за решение со две држави, а американското вето ќе значело давање дозвола за натамошно подигнување населби „на што ние значајно се противиме“.
Во говорот одржат само три седмици откако администрацијата на американскиот претседател Брак Обама ќе ги предаде власта на новоизбраниот претседател Доналд Трамп, Кери рече дека Израел нема „никогаш нема да има вистински мир“ со арапскиот свет доколку не постигне договор заснован на тоа Израелците и Палестинци да живеат во свои држави.
Американскиот државен секретар го осуди палестинското насилство за коешто рече дека се однесува на „стотината терористички напади во изминатата година“.
Неговите проштални зорови тешко дека можат да променат нешто на теренот во односите меѓу Израелците и Палестинците или да ги спаси низата неуспешни мировни преговори на Блискиот исток кои ги иницираше администрацијата на Барак Обама.
Иако говорот на Кери главно не отстапува и од британската политика, премиерката Тереза Меј изјави дека тој претставува несоодветен напад врз израелската влада, бидејќи премногу жестоко се фокусира на активноста на населувањето на Западниот брег и во источен Ерусалим како на пречки за постигнувањето мир.
„Не веруваме дека е во ред да се нападне демократска избрана влада на еден сојузник… Владата верува дека преговорите ќе успеат само доколку се водат меѓу двете страни, со поддршка на меѓународната заедница“, се вели во писмената изјава на Меј што ја објави Даунинг стрит.
„Пораките на Кери опфатија цела низа закани за решавањето со две држави, а што вклучува тероризмот, насилството, провокации и населувања“, и оти тие изјави „се во согласност со долготрајната британска политика и со начинот на кој таа минатата седмица гласаше во Обединетите нации“, возврати портпаролот на американскиот Стејт департмент.
Додаде дека САД се задоволни од тоа што Германија, Франција, Канада, Јордан, Египет, Турција, Саудиска Арабија, Катар, Обединетите Арапски Емирати и другите држави позитивно реагирале на говорот на државниот секретар за блискиот исток.
Израелската влада чека Обама да отстапи од должноста, и од новиот претседател Трамп, кој ќе стапи на 20-ти јануари, очекуваат повластен третман, Трамп на својот профил на Twitter во средата ја осуди администрацијата на Обама поради неодамнешното гласање во Советот за безбедност на ОН за резолуцијата против Израел, кога САД првпат од 1979 година не употребија вето и овозможија да биде донесена., како и за нуклеарниот договор со Иран од 2015 година, на кој Израел исто така се противеше.
„Остани силен Израел, 20-ти јануари забрзано се приближува“, порача Трамп. Тој отворено лобираше против споменатата резолуција на ОН, и се очекува дека ќе стави вето на секоја идна одлука против Израел.
Неодамна се обврза дека ќе ја дислоцира американската амбасада од Тел Авив во Ерусалим, а за нова амбасадор ќе го именува Дејвид Фридман, адвокат кој собираше средства за новите населби и кој се противи на решението со две држави./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.