Свет
Мигранти под истрага за бомбардирањето на канцеларијата на Лига на Салвини
Двајца марокански мигранти во Италија се под истрага во врска со бомбашкиот напад врз канцеларијата на партијата Лига на Матео Салвини, пренесува „Ил џорнале“.
Нападот се случил во јануари и притоа експлозивната направа ја уништила влезната врата на канцеларијата на Лига во Сан Валентионо Торио, но левичарските политичари се потсмеваа со настанот нарекувајќи го божикен огномет.
Обвинителите велат дека двајцата главни осомничени за нападот се 41-годишниот Абдерахим С. и 37-годишниот Моктар Ј., кои се осомничени за детонирање на експлозивот. Осомничените биле идентификуван со помош на видеонадзорот.
Маријано Фалконе, регионален заменик-координатор на Лига во Салерно, вели дека иако штетата во зградата не била голема, тоа е напад врз Матео Салдини и врз Лига и го нарече нападот вознемирувачки.
Припадниците на екстремно левиот Автономен универзитетски колектив предизвикаа контроверзии со објавување постери во кои се повикуваше на атентат на Салвини.
„Не смееме да го спуштиме гардот“, рече Фалконе и предупреди на новите групи што се однесуваат како екстремно левичарските терористи што вршеа насилства во Италија во 70-тите.
Еден таков левичарски терорист, Чезаре Батисти, неодамна призна дека убил неколку луѓе за време на таа ера по депортирањето од Бразил од страна на популистичкиот претседател Јаир Болсонаро.
Ова не е првпат партиските канцеларии на Салвини да бидат нападнати со експлозив. Во август минатата година канцеларијата во Тревизо беше нападната од екстремно левичарските анархисти од Антифа, кои подоцна презедоа одговорност за бомбардирањето.
Нападот беше со две одделни експлозивни направи, кои требаше да привлечат полицајци и други во областа каде што требало да експлодира втората бомба, полна со клинци и метални фрагменти. Полицијата успеа да го декативира вториот уред пред да експлодира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас повика на ескалација на сите фронтови
Портпаролот на вооруженото крило на Хамас, Бригада ал-Касам, повика на ескалација на сите фронтови во телевизискиот говор по повод 200 дена од почетокот на војната меѓу Израел и Хамас во Појасот Газа на 7 октомври 2023 година.
Во видеото објавено од Ал Џезира, Абу Убаида го пофали нападот на Иран врз Израел на 13 април, велејќи дека директните напади со беспилотни летала и ракети „поставуваат нови правила, повлекоа важни паралели и ги збунија непријателот и оние што стојат зад него“.
Тој повика и на ескалација на Западниот Брег и во Јордан, велејќи дека тоа е „еден од најважните арапски фронтови“.
„Го повикуваме јорданскиот народ да ги засили своите акции и да го крене својот глас“, рече тој.
Абу Убаида рече дека Хамас останува на барањата што ги постави на разговорите за прекин на огнот, односно бара Израел да ја прекине воената офанзива, да ги повлече своите сили од Појасот Газа, да им дозволи на раселените да се вратат во северниот дел на Појасот Газа и да ја укине блокадата.
Во меѓувреме, Израел ги засили нападите низ Појасот Газа во вторникот, рекоа жителите, додавајќи дека тоа е едно од најлошите гранатирања во последните неколку недели. Армијата нареди нова евакуација на северот од палестинската енклава, предупредувајќи ги цивилите дека се наоѓаат во „опасна борбена зона“.
Во соопштението за платформата X, портпаролот на израелската армија Авичај Адраи ги повика жителите на четири зони во Беит Лахиа во северниот дел на Појасот Газа да се преселат во засолништа во две одредени области.
Новото гранатирање и бомбардирање на северниот дел на Појасот Газа доаѓа речиси четири месеци откако израелската армија објави дека ги повлекува своите војници, тврдејќи дека Хамас повеќе не ги контролира областите.
Израел, исто така, овој месец повлече поголем дел од своите сили од јужниот дел на Појасот Газа. Но, обидите да се постигне прекин на огнот не успеаја, а израелските бомбардирања и упади на територијата од која војниците се повлекоа го отежнуваат враќањето на раселените во своите домови.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.