Свет
(Во живо) Милијардерот Ричард Брaнсон денеска лета во вселената
Компанијата „Вирџин Галакси“ на милијардерот Ричард Брансон денеска ќе изврши пробен туристички лет во вселената.
Брансон ќе биде меѓу шесте патници во ракетата со крила, што ќе полета од наменскиот комерцијален космодром СпејсПорт Америка, во американската сојузна држава Ново Мексико.
Времето сè уште не е објавено, но компанијата соопшти дека преносот во живо ќе започне во 7 часот по локално време, што е во 15 часот по средноевропско време, пренесуваат американските медиуми.
Авионот-носач ќе полета од пистата и ќе го лансира вселенското летало „ВСС Јунити“ на надморска височина од 15 километри, а двајца пилоти ќе палат ракетни мотори што ќе го однесат леталото над 80 километри надморска височина, што САД ја сметаат за граница на вселената.
Патниците, Браносн и претставниците на неговата компанија, ќе можат да се одврзат и да уживаат во бестежинската состојба неколку минути. Авионот потоа ќе се врати на пистата од која заминал.
Брансон сака да го процени искуството за идните клиенти што се очекува од 2022 година. Околу 600 луѓе веќе купиле билети, чија цена се движи од 200.000 до 250.000 американски долари.
„ Кога ќе се вратиме, ќе објавам нешто многу возбудливо за да им дадам на повеќе луѓе можност да станат астронаути“, вети тој.
Компанијата на милијардерот Џеф Безос, „Блу ориџин“, ќе го лансира своето летало на 20 јули, на годишнината од првото слетување на Месечината во 1969 година. Ракетата „Њу Шепард“ го носи името на Алан Шепард, првиот Американец во вселената.
Иако се најавуваше со години, ерата на вселенскиот туризам ќе зависи од успехот на овие пробни летови. Во 2014 година, авионот „Вирџин Галакси“ се сруши, а пилотот загина, што предизвика големо одложување на програмата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.