Свет
Многу неискористени дози во Јапонија, вакцинирани само 2,2 проценти од луѓето
Бројот на неискористени вакцини во Јапонија наскоро може да биде неколку десетици милиони, во време кога државата се подготвува да одобри употреба на производители на уште два вида вакцини, објави „Ројтерс“.
Бројот на вакцинирани е мал поради недостаток на работна сила и логистичка поддршка, па затоа Јапонија вакцинираше 2,2 проценти од населението.
Јапонија увезе 28 милиони дози на „Фајзер“ од април, но досега користеше само 15 проценти, додека останатите 24 милиони дози се во замрзнувачи.
Бројот на вакцини во Јапонија може да биде уште поголем затоа што регулаторното тело се подготвува да ја одобри употребата на „Модерна“ и на „Астразенека“ на 20 мај, објави националниот сервис НХК.
Првиот контингент на вакцини на „Модерна“ веќе пристигна и се проценува дека се подготвуваат уште 30 милиони дози на вакцини на „Астразенека“ со помош на локалните партнери.
Испораките на „Фајзер“ ќе бидат забрзани на повеќе од 35 милиони дози овој и следниот месец.
Јапонија обезбеди најголемо количество вакцини во Азија, додека се подготвува за Олимписките игри ова лето – четири милиони дози беа дадени на здравствени работници и стари лица.
Досега вакцинирани се 2,2 проценти од населението, што е најмал број меѓу богатите земји, но владата има амбициозен план за вакцинирање на 36 милиони луѓе до јули.
За да се постигне таа цел, Јапонија мора да вакцинира 800.000 луѓе на ден, вели група бизнис-лидери кои апелираат до владата да ја забрза кампањата за повеќе од двапати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.