Свет
„Модерна“ бара од САД и ЕУ да ја одобрат нејзината вакцина
Фармацевтската компанија „Модерна“ побара од регулаторите на САД и Европа да ја дозволат употребата на нејзината вакцина против коронавирус.
Компанијата побара од Администрацијата за храна и лекови на САД (ФДА) да го прегледа проширениот сет на податоци, што покажува дека вакцината е ефикасна 94,1 процент во спречување на Ковид-19 и 100 проценти ефикасна во спречување на тешки случаи на болеста, пренесува „Си-ен-ен“.
Членовите на ФДА ќе се состанат со советодавниот одбор во декември за да ги разгледаат апликациите на „Модерна“ и „Фајзер“, кои први аплицираа за итна дозвола за употреба на вакцината против коронавирус.
Непосредно пред „Модерна“, компанијата „Фајзер“ и нејзиниот германски партнер „Бионтек“ побараа вакцинациите да започнат во декември во САД.
„Модерна“ ја разви вакцината со американскиот Национален институт за здравство, а за време на викендот ги доби конечните резултати кои покажуваат дека е ефикасна во повеќе од 94 проценти од случаите, пренесува Гласот на Америка.
Од 196 случаи на ковид-19 досега, во нејзината студија во Америка, 185 учесници во тестирањето примиле плацебо, а 11 вистинска вакцина. Единствените луѓе кои се разболеле сериозно – 30 учесници, од кои едниот починал – примиле лажни вакцини.
Европскиот колега на ФДА – Европската агенција за лекови – објави дека е исто така подготвен брзо да даде зелено светло за итна употреба на вакцината.
Прво, на 10 декември, Фајзер и Бионтек ќе презентираат податоци кои покажуваат дека нивната вакцина е ефикасна во 95% од случаите. „Модерна“ очекува нејзиниот ред да биде „на судот на науката“ една недела подоцна, на 17 декември.
Доколку ФДА дозволи итна употреба, „Модерна“ очекува до крајот на годината да бидат подготвени 20 милиони дози во САД. На примателите ќе им бидат потребни две дози, така што количината е доволна за 10 милиони луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.