Свет
Москва го нарече неубедливо американското оградување од упадот во Венецуела
Москва не „паѓа“ на тврдењата на Вашингтон дека нема никаква врска со упадот во Венецуела откако се појави видео од уапсен американски платеник кој призна дека операцијата имала за цел да го испорача претседателот Николас Мадуро во САД, пренесува РТ.
Руското МНР изјави дека е вознемирено од веста за странските платеници, вклучително и оние со врски со американските специјални служби кои се обидоа да влезат во Венецуела.
„Со оглед на опседнатоста на Вашингтон да го собори Мадуро и изјавите дека сите опции се на маса за да се постигне оваа цел, зборовите на претседателот Доналд Трамп дека САД немаат никаква врска со неуспешниот упад звучат неубедливо“, посочуваат од Министерството.
„Потегот против латиноамериканската држава заслужува уште поголема осуда бидејќи е изведен во екот на пандемијата на коронавирус, што претставува голема закана за Венецуела“, додаде руското Министерството за надворешни работи.
Москва повторно ја истакна својата желба да стори сè што е потребно за народот на Венецуела да може сам да одлучува за судбината на својата земја и посочи дека сите страни, вклучително и оние што го поддржуваат протежето на Вашингтон, Хуан Гваидо, треба да седнат на преговарачка маса.
Поранешните припадници на американските сили за специјални операции, Лук Денман и Ејран Бери, вработени во „Силверкорп“, компанија за обезбедување со седиште во Флорида, беа заробени од венецуелската војска како дел од групата платеници кои во понеделникот се обидоа да стигнат до бреговите на Венецуела со глисери.
Венецуелските власти соопштија дека операцијата е дел од обидот за пуч, чија цел е убиство на Мадуро. Во снимката од испрашување објавена во средата, Денман признал дека неговата цел во Венецуела била да преземе контрола на аеродромот за да може киднапираниот Мадуро да го стави во авион и да го однесе во САД.
„Тоа нема никаква врска со нашата влада“, тврдеше Трамп во вторникот.
Неговата администрација многупати кажа дека сака Мадуро да биде отстранет од власта, ветувајќи награда од 15 милиони американски долари за информации што ќе доведат до апсење на социјалистичкиот лидер на Венецуела. Вашингтон исто така беше првиот што го призна и активно го поддржуваше неговиот главен ривал, Хуан Гваидо.
Во говорот кон крајот на минатата година, самиот Трамп рече дека сите опции се на маса за Венецуела, вклучително и воено сценарио.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.