Свет
Муфтија издаде фатва против боливудски режисер за прикажување на Куранот во лошо светло
Муслимански свештеник од индиската држава Утар Прадеш издал фатва, исламски правен декрет, против Амџад Кан, режисерот на филмот за пакистанската нобеловка Малала Јусафзаи, која беше застрелан од талибанските милитанти на 14-годишна возраст, пренесува „Спутник“.
Постерот за филмот Gul Makai покажува девојка како држи запалена книга во рацете и од неа излегува експлозија. Свештеникот тврди дека книгата е Куранот, што според него значи дека плакатот е против исламот и дека филмот ги прикажува нивните свети текстови, како и нивната религија во лошо светло.
„Муфтијата Дарул Ифта Џама Масџид издаде фатва против Мехмуд Кан, режисерот на боливудскиот филм Gul Makai. На постерот за филмот се гледа девојка со книга, а книгата е Куранот, па затоа е против исламот и ја покажува нашата религија во лошо светло“, се вели во писмото објавено од џамијата.
Говорејќи за „Спутник“, режисерот на филмот ги отфрли како глупост извештаите за поднесување пријава од полицијата, велејќи:
„Свештеникот е жртва на заблуда. Тој е религиозен научник, мисли дека главната актерка, која ја прикажува Малала во филмот, држи Куран во рацете. Тој го претпоставува тоа поради своите предрасуди и затоа што мисли дека само затоа што главниот лик на филмот е муслиманка, таа ќе го држи само Куранот. Филмот е за образованието на девојчињата, тој не е во состојба да го разбере ова. Ова не е достоинствен потег, но ќе се обидам да разговарам со него и ќе му испратам писмо“, додаде тој.
Кан негира дека презема какви било правни мерки против муфтијата бидејќи не сака тој да влета во законски проблем.
Филмот, предвиден за објавување на 31 јануари, ја раскажува приказната за Малала Јусафзаи, 22-годишна девојка која стана најмладата добитничка на Нобеловата награда за мир за кампања за правата на образованието на девојчињата во 2014 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Дупка од 10 метри голтна автомобили во Рим, полицијата ја затвори улицата
Бездна длабока и широка околу 10 метри проголта два автомобили среде ноќ во Рим, поради што интервенираше полицијата.
Инцидентот се случил околу еден часот по полноќ, а две возила, Дачија и Рено, завршиле во дупка, пренесува Телеграф.
Полицијата веднаш реагирала, ја затворила улицата и го обезбедила просторот, јавуваат италијанските медиуми.
Се уште не се знае зошто се урнал асфалтот.
Не се знае дали има повредени во инцидентот.
Свет
Ниту блиски пријатели не знаеја за дијагнозата на Кејт Мидлтон: Тоа беше огромен шок
Минатата недела британската принцеза Кејт Мидлтон го шокираше светот со објавата дека има рак, а се чини дека ниту нејзините блиски пријатели не знаеле ништо за нејзината здравствена состојба.
„Тоа беше огромен шок. Само многу тесен круг на луѓе знаеја што се случува”, изјави неименуван пријател на принцезата за „People“.
Во видеото кое го шокираше светот на 22 март, принцезата Кејт откри дека и бил дијагностициран рак и дека е на хемотерапија. Кејт зборуваше за тоа како дијагнозата првично била чувана во тајност за „благосостојбата на нивното младо семејство“, а гласот и „пукнал“ кога ги спомнала своите деца – принцот Џорџ, принцезата Шарлот и принцот Луис.
„Добро сум и секој ден станувам посилна со тоа што се фокусирам на работите кои ќе ми помогнат да заздравам – во мојот ум, тело и дух. Во овој момент мислам на сите оние чии животи биле погодени од рак. На сите кои се справуваат со оваа болест, во која било форма, ве молиме да не губат верба и надеж. Не сте сами“, вели таа во видеото.
Зад сцената, принцезата од Велс презеде чекори за да му даде приоритет на своето здравје, но таа не беше во целосна изолација. И таа и принцот Вилијам беа видени на спортски настани во последниве недели – на 16 март, парот беше фотографиран заедно како трчаат во фармата во Виндзор.
„Многу е важно да се забавуваат заедно кога можат. Станува збор за нејзиното чувство на поддршка. Воопшто не се чувствува изолирано”, рекол семеен пријател.
Во деновите по објавата на Кејт, таа и Вилијам се фокусираа на своите деца, кои моментално се на велигденски празници. Петчленото семејство ќе ја прескокне традицијата и нема да присуствува на кралската велигденска служба во капелата Свети Џорџ во замокот Виндзор и наместо тоа ќе го помине долгиот викенд приватно дома.
Свет
Масовен руски напад врз Харков: Бомби паѓаа цела ноќ, две лица загинаа
Во текот на ноќта руските војници гранатираа 17 населени места во областа Херсон, при што загинаа две лица, а четворица беа ранети, објави шефот на воената управа во Керсон, Олександр Прокудин.
„Руската армија гаѓаше станбени области на населени места, при што беа оштетени две катни згради и 10 приватни куќи. Како резултат на руската агресија, две лица загинаа, уште 4 се повредени“, рече Прокудин на Телеграм.
Погоди се забележани и во пристанишната инфраструктура, објектите за критична инфраструктура, трговски центар, комерцијални објекти и автомобили, додаде тој. Според него, непријателот ги гранатирал населбите Дудчани, Нововоронцовка, Михајловка, Одрадокамјанка, Гавриловка, Весела, Золота Балкан, Качкаровка, Антоновка, Станислав, Днепровске, Јантарне, Билозерка, Велетенске, Кизомиш и градот Берег.
Во текот на ноќта, силите за противвоздушна одбрана уништија 26 од 28-те јуришни беспилотни летала што Русија ги користеше за напад на Украина, објави на Телеграм Военото воздухопловство на Вооружените сили на Украина.