Свет
Над 50 патници позитивни на Ковид-19 на лет Њу Делхи-Хонгконг
Најмалку 52 патници на лет од Њу Делхи до Хонгконг биле позитивни при слетувањето, иако покажале негативен тест за Ковид-19 пред да се качат на авионот на аеродромот во Индија.
Сите патници кои биле позитивни, дошле со авион на индиската авиокомпанија „Вистара“, а летот се случил на 4 април, објави „Дејли меил“. Во авионот имало 188 патници, а властите во Хонгконг не соопштија колку персонал имало на летот.
Хонгконг бележи помалку случаи на ден отколку што имало на спорниот лет, бидејќи го стави под контрола четвртиот бран на пандемијата во јануари.
Здравствените експерти проценија дека напредните системи за вентилација значително го намалуваат ризикот од инфекција во авионот и има многу претпоставки за тоа како се случило жариштето во авионот.
Прво, тие велат дека патниците можеби веќе биле заразни во Индија кога го направиле тестот не повеќе од 72 часа пред да се качат во авионот.
Второ, преоптоварениот индиски здравствен систем не може точно да открие случаи пред патниците да влезат во авионот и можно е поединци да фалсификувале тестови.
Третата можност е патниците да се заразиле во еден од карантин-хотелите во Хонгконг.
Исто така, постои можност некои патници да биле заразени со исклучително заразен вид на ковид, што може да се пренесе меѓу патниците и покрај напредните системи за вентилација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.