Свет
(Видео) Напад во близина на училиште во Кабул, загинаа над 40 луѓе
Најмалку 40 луѓе загинаа, а десетици се повредени, во неколку експлозии во близина на училиште во главниот град на Авганистан, Кабул.
Тоа е заедничко средно училиште за девојчиња и момчиња кои учат во три смени, од кои втората е за учениците кои претрпеа најмногу во нападот“, изјави портпаролот на Министерството за образование.
UPDATE: Death toll rises to 40 after multiple explosions at girls' school in Kabul – Reuters https://t.co/NExGPVHNSW
— BNO News (@BNONews) May 8, 2021
Снимките прикажани на локалната телевизија „Толо њуз“ покажаа драматични сцени пред училиштето, книги и училишни торби расфрлани на патот со траги од крв, а жителите брзаа да им помогнат на жртвите.
#BreakingNews
Interior Ministry spokesman Tariq Arian said that 35 people had been taken to hospitals as a result of an explosion in the area of the Seyyed al-Shohada school in the 13th security district of #Kabul.#Explosion #Afghanistan #BREAKING #Seyyed_al_Shohada_school pic.twitter.com/oe5DkAjQJq— khate-nakhost (@KhateNakhost) May 8, 2021
Портпаролот на Министерството за внатрешни работи, Тарик Аријан претходно изјави дека бројот на загинати е 25, но тој не ги прецизираше причините за експлозиите, а портпаролот на Министерството за здравство рече дека досега 46 лица се префрлени во болници.
Ниту една група не презеде одговорност за нападот, а портпаролот на талибанците Забиулах Муџахид го негираше учеството на бунтовничката група и го осуди инцидентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.