Свет
Насилни избори во Бангладеш – има загинати луѓе, а властите го исклучија интернетот
Најмалку седум луѓе се убиени во судири во Бангладеш, за време на изборите во земјата во која предизборната кампања ја одбележаа насилства.
Како што пренесува Би-би-си, властите во земјата наредиле гаснење на интернетот се до затворањето на гласачките места, за да се спречи можно ширење на гласини кои би предизвикале немири.
Се очекува актуелната премиерка Шеик Хасина да освои трет мандат по ред.
Партијата Лига Авами, на премиерката Шеик е на лидерската позиција во Бангладеш од 2009 година.
Нејзината долгогодишна соперничка, членка на опозицијата, Халеда Зиа, заврши во затвор поради обвинение за корупција, поради што ѝ е оневозможено да учествува на изборите, за што вели дека е политички мотивирана одлука.
Неколку минути пред отворањето на гласачките места, дописникот на Би-би-си, забележал полнење на гласачките кутии во градот Читагонг. Изборниот претставник одбил да го коментира случајот.
Повеќе од 100 милиони луше имаат право на глас, но досегашните извештаи покажуваат мал одѕив на изборите, кои ги обезбедуваат околу 600 илјади припадници на безбедносните сили. .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.