Свет
НАТО со нови барања до Москва
Откако американскиот државен секретар Ентони Блинкен изјави дека САД ѝ испратиле на Москва одговори на безбедносните барања на Русија, истото го направија и претставниците на НАТО.
Генералниот секретар на НАТО, Јенс Столтенберг, изјави дека претставниците на таа алијанса во координација со САД испратиле барања до Москва, кои можат да се сумираат во три области, кои се однесуваат на односите НАТО-Русија, европската безбедност и контролата на вооружувањето.
Во контекст на односите НАТО-Русија, Столтенберг рече дека Русија ги прекинала дипломатските односи со НАТО и уште повеќе го отежнала дијалогот.
„Треба повторно да воспоставиме канцеларии во Москва и Брисел. Исто така, треба да ги подобриме каналите за комуникација меѓу силите на НАТО и руската војска со цел да промовираме транспарентност во нашата работа, но и да ги намалиме ризиците. Русија исто така треба да ги повлече своите сили од Украина и Грузија и Молдавија, каде во моментов се распоредени без согласност на овие земји“, рече Столтенберг.
Кога станува збор за контролата на вооружувањето, генералниот секретар на НАТО посочува дека историјата покажала дека практичните мерки во оваа област можат да направат значителна разлика и да ги подобрат односите меѓу земјите.
„ Предлагаме заеднички состаноци за вежби и нуклеарна политика да се дискутираат на Советот НАТО-Русија. Исто така, неопходно е да се модернизира Виенскиот документ за воена транспарентност и да се работи на намалување на киберзаканите“, рече Столтенберг.
Тој исто така истакна дека Русија и НАТО мора да водат сериозни разговори за контрола на вооружувањето.
„Сојузниците се подготвени да одржат состанок што е можно поскоро. НАТО е одбранбен сојуз и ние не бараме конфронтација. Сепак, не можеме и нема да правиме компромиси за принципите на кои е заснована нашата безбедност, безбедноста на Европа и САД“, рече Столтенберг.
Генералниот секретар на НАТО се осврна и на распоредувањето дополнителни трупи на НАТО во Источна Европа и порача дека дипломатијата е приоритет, но дека сите земји треба да бидат подготвени за најлошата опција.
„Паралелно со нашите дипломатски напори, ја зголемуваме подготвеноста на нашите сили. Го зголемивме нашето присуство во областите на Балтикот и Црното Море со повеќе бродови и авиони. Имаме и дополнителни трупи за поддршка кои можат да бидат распоредени на клучните позиции во краток рок. Но за нивното распоредување потребна ни е одлука на Северноатлантскиот совет“, рече генералниот секретар на НАТО.
На крајот, Столтенберг рече дека не е тајна дека позициите на Русија и Западот сè уште се многу далеку.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.