Свет
Научник од „Оксфорд“: Сеедно која вакцина ќе ја примите, нема потреба од страв
Професорот од Универзитетот „Оксфорд“ со хрватско потекло, Кристијан Рамадан, беше гостин во телевизиско интервју и рече дека не го прославил отворањето во Велика Британија пред две недели затоа што, како што рече, не е време да се слави.
„Британија покажа добар тренд бидејќи заклучувањето беше жестоко, а паралелно со тоа почна и интензивна кампања за вакцинација, со што беа заштитени над 95 % од ранливата популација“, рече тој за ХРТ.
„Сега се покажуваат одлични резултати, инфекцијата е многу мала и немаме многу смртни случаи“, додаде тој.
Вакцинацијата во Британија почна со вакцината на „Фајзер“ во декември и со вакцината на „Астра зенека“ во јануари. Рамадан вели дека таа се спроведува одлично и дека нема премногу несакани ефекти што ѝ се припишуваат на „астра зенека“, односно дека тоа се многу ретки случаи.
„На 4 милиони вакцинации, за жал, има еден смртен случај, но ако тоа се спореди со Ковид-19, каде што има по една смрт на 46 лица, јасно е дека споредбата е невозможна. Може да се види дека вакцината помага, но нормално е дека понекогаш има одредени несакани ефекти кај некои лица“, додаде тој.
Тој истакна дека луѓето треба да се вакцинираат, без оглед за која вакцина станува збор и дека треба да се охрабрат на таков потег.
„Во Велика Британија нема дилема за тоа која вакцина да се избере, која и да се прими – резултатите се видливи“, рече професорот Рамадан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.