Свет
Научници произведоа водка во Чернобил со цел да ја подобрат економијата
Водка направена од житарки и вода од Чернобилската отуѓена зона, беше опишана како „најважното шише жесток алкохол во светот“.
По катастрофата во Чернобилската нуклеарна централа во 1986, околу централата беше направена зона на отуѓеност во периметар од 4.300 квадратни километри.
Вкупно 355.000 лица беа приморани да ја напуштат околината, а по несреќата голем дел од околните места останаа напуштени поради екстремно високите нивоа на радијација.
Група научници дестилираше водка која ја нареше „Атомик“ и за која се надева дека ќе помогне во ревитализацијата на економијата во Украина.
„Нашиот продукт би можел да помогне во подобрување на економијата во заедниците околу напуштените места“, вели професорот Џим Смит од Универзитетот во Портсмут, кој е дел од тимот кој работи на проектот со водката.
„Илјадници луѓе се уште живеат во зоната во која биле принудно преселени, а таму се уште се забранети нови инвестиции и развој на агрономија“.
Иако некои житарки содржеа мала радиоактивност, сепак самиот алхохол поради процесот на дестилација не покажува радиоактивност.
Дестилатот се раствора со минерална вода од извор во градот Чернобил, 10тина километри од нуклеарниот реактор, но водата не е контаминирана.
„И по 33 години, во многу напуштени места е безбедно да се одгледуваат жита и без потоа да се дестилираат“, вели професор Смит.
Водката е еден од резултатите на проектот кој има за цел да открие дали и колку е безбедно да се користат продукти одгледани во напуштените области околу Чернобил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.