Свет
Најмалку 851 нелегален мигрант на листата набљудувани терористи во Франција
Министерот за внатрешни работи на Франција, Жералд Дарманин, изјави дека на листата набљудувани терористи во Франција има најмалку 851 нелегален мигрант, од кои 231 мигрант се од висок ризик за безбедноста на Франција и треба да бидат депортирани. Најмалку 180 од нив во моментот се во француски притвор, пренесува „Л’Експрес“.
Од 4.111 странци, кои се наоѓаат во досието за пријавување за спречување радикализација од терористички карактер (FSPRT), 851 се нелегален мигрант. Од нив, само 428 се депортирани од земјата.
Според Дарманин, Франција не е во можност да депортира некои од овие мигранти бидејќи меѓународните конвенции го спречуваат тоа зашто нивните матични нации, како Либија, се сметаат за нестабилни региони.
Франсоа Еран, демограф и раководител на Кабинетот за миграции на Колеж де Франс, за податоците рече:
„Додека во Франција има 300.000 нелегални мигранти, што е најчеста процена, но веројатно и пониска од реалната – 231 обележан за радикализација претставуваат процент од 1 на 1.300.
„Ова не е безначајно, но ја поништува идејата дека постои нераскинлива врска помеѓу незаконската миграција и радикализацијата“, додаде тој и посочи дека е потешко да се вклучат во заканата за радикализам од оние родени во Франција.
Ова не е првпат за миграцијата да се дискутира во контекст на радикалниот исламски екстремизам. Во екот на мигрантската криза беше објавено дека Исламската држава испратила свои припадници со бранот азиланти. Во 2018 година сириски барател на азил беше уапсен за терористички заговор во Хамбург, а подоцна призна дека терористичката група го испратила во Европа како бегалец.
27-годишниот Мохамед А. пред германскиот суд изјави дека терористичката група му заповедала да се инфилтрира во мигрантскиот бран и да чека во Германија за наредби. Наводно групата му дала и фалсификуван пасош и 1.500 долари во готово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024