Свет
На Борис Џонсон му дојде полиција дома поради гласна расправија
Лондонската полиција вчера била повикана во домот на Борис Џонсон и неговата партнерка Кери Симондс, откако соседите наводно слушнале гласна караница. Полицијата подоцна соопшти дека тие се добро и дека немало причина за полициска акција.
Џонсон рекол дека членовите на владјечаката Конзервативна партија не ги интересира зошто била повикана полицијата во неговиот дом.
„Мислам дека не ги интересираат такви работи, освен ако сум виновен. Мислам дека сакаат да сушнат кои се моите планови за земјата и за мојата партија“ рекол Џонсон на собир на Конзервативната партија.
Џонсон е фаворит за наследник на Тереза Меј, тој верува во неговиот став дека за договорот за брегзит со ЕУ може повторно да се преговара.
„Длабоко сум уверен дека со вистинска енергија и приврзаност ќе надвладее здрав разум, но во случај тоа да не се случи, мораме да бидеме подготвени да излеземе. Токму затоа ќе се подготвуваме од сега до 31 октомври за брегзит без договор, ќе добиеме договор кој ни е потребен“ рекол Џонсон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.