Свет
На повидок вакцина против коронавирус од Кина
Студијата покажува дека една од вакцините против Ковид-19 направена во Кина покажува брза реакција на имунолошкиот систем.
Вакцината против Ковид-19, развиена во Кина, покажа успех во втората фаза на тестирање, велат истражувачите.Во Кина се развиваат неколку вакцини, од кои некои веќе се користат.
Според истражувачите, вакцината на Синовак Биотек дала брз имунолошки одговор за време на студија спроведена на 700 луѓе.Четири вакцини влегоа во четвртата фаза на клинички испитувања, заедно со онаа на „Синовак Биотек“.
Сепак, резултатите објавени во научното списание Лансет се само од првата и втората фаза на тестирање на една од овие четири вакцини.Зу Фенгакаи, еден од авторите на трудот, вели дека резултатите засновани на 144 учесници во фаза 1 и 600 во фаза 2 значат дека вакцината е погодна за итна употреба.Податоците од големите испитувања во фаза 3 сè уште не се објавени.
Бидејќи пандемијата е скоро целосно под контрола во Кина, последната фаза на тестирање на кинеската вакцина се спроведува во Пакистан, Саудиска Арабија, Русија, Индонезија и Бразил.Според официјалните лица, близу 60.000 луѓе ја примиле вакцината од почетокот на ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.