Свет
На продажба визиткарта и фотографија со автограм од Путин
На интернет се продава уште една визиткарта од рускиот претседател Владимир Путин од времето кога работел во градското собрание во Санкт Петербург.
Освен тоа, се продава и фотографија со автограм, на која рускиот лидер е заедно со поранешниот претседател на Украина, Леонид Кучма.
Сопствениците бараат по 5.500 евра. Авторот на првиот оглас објавил дека визиткартата е од приватна колекција. Тој одлучил да ја продаде бидејќи дознал дека визиткартите се вреднуваат, а што се однесува до цената, се водел од објавите во медиумите. Тој нагласил дека би прифатил да ја спушти цената во зависност од интересот.
Визитку Путина и его фото с Кучмой продают за полмиллиона рублей https://t.co/cgsGD832Qi pic.twitter.com/JGAe1NPCLx
— РИА Новости (@rianru) December 12, 2020
Другата понуда е фотографија од Путин и Кучма на брод со автограм од двајцата претседатели. Според авторката на објавата, нејзиниот сопруга служел на крузерот „Москва“.
Путин и Кучма навистина го посетиле ракетниот крузер „Москва“ во 2001 година, кој бил главен брод на Црноморската флота на Русија, пишува Спутник.
Високата цена на фотографијата, сопственичката ја објаснува со тоа што таа е многу ретка.
„ Цената е оправдана. Веројатно нема секој автограм од Путин и Кучма во оригинал“ изјавила таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стивен Сигал ги посети жртвите од терористичкиот напад во Москва
Актерот Стивен Сигал ги посети жртвите од терористичкиот напад во градското собрание Крокус во предградието на Москва, соопшти прес-службата на Министерството за здравство на Русија.
Сегал рече дека нападот е „страшна трагедија што не требаше да се случи“.
„Мислам дека Русија ќе послужи како пример и дека светот ќе разбере дека тоа не може да се направи на ниту една нација и да остане неказнето“, рече тој, пренесува РИА Новости.
Свет
Почина Џо Либерман, долгогодишен демократски сенатор во американскиот Конгрес
Џо Либерман, долгогодишен демократски сенатор во американскиот Конгрес од државата Конектикат и поранешен кандидат за потпретседател на САД, почина во средата на 82-годишна возраст.
Семејството на политичарот соопшти дека Либерман починал поради компликации предизвикани од падот, пренесува американскиот портал Политико.
Тој беше првиот еврејски кандидат на гласачкото ливче на големите американски партии, во 2000 година со претседателскиот кандидат Ал Гор.
Едно од неговите најголеми наследства е учеството во формирањето на Министерството за внатрешна безбедност по терористичките напади од 11 септември 2001 година.
Подоцна, во 2004 година, тој неуспешно се обиде да стане претседателски кандидат на Демократската партија, бидејќи демократите го сметаа за „премногу близок со републиканците“, според Политико.
Од политиката се повлече во 2012 година, а последен пат се врати во 2023 година како претставник на организацијата „Без етикети“, која на Американците требаше да им обезбеди трета опција, покрај Републиканската и Демократската партија.
Свет
Дупка од 10 метри голтна автомобили во Рим, полицијата ја затвори улицата
Бездна длабока и широка околу 10 метри проголта два автомобили среде ноќ во Рим, поради што интервенираше полицијата.
Инцидентот се случил околу еден часот по полноќ, а две возила, Дачија и Рено, завршиле во дупка, пренесува Телеграф.
Полицијата веднаш реагирала, ја затворила улицата и го обезбедила просторот, јавуваат италијанските медиуми.
Се уште не се знае зошто се урнал асфалтот.
Не се знае дали има повредени во инцидентот.