Свет
На самитот Г7 продолжи „борбата со раце“ на Трамп и Макрон
Ракувањето на американскиот и францускиот претседател Доналд Трамп и Емануел Макрон на самитот на Г7 повторно предизвика многу коментари, пишува АФП.
Како што наведува агенцијата, многумина истото го сметаат за симбол на тензијата во која мина самитот.
Macron wins the handshake game #macron #trump #G7 #G7Summit pic.twitter.com/Vahm1m8KyP
— Nick Wenmaekers (@NickWenmaekers) June 9, 2018
Имено, на фотографиите направени по билатералната средба на Трамп и Макрон може да се види црвената дланка на претседателот на САД по ракувањето со неговиот француски колега, додека многу Французи на социјалните мрежи се шегуваат со прашањето кој би победил во натпревар на туркање со раце.
„Франс прес“ оцени дека ваквото силно ракување меѓу двајцата претседатели и симбол на тензиите меѓу САД од една страна и Франција и останатите земји од Г7, од друга, а во врска со трговските прашања, иранскиот нуклеарен договор, екологијата и улогата на Русија.
Говорот на телото на Макрон и Трамп стана предмет на интерес на медиумите, уште од нивната прва средба.
Macron, refusing to lose the now infamous handshake game to Trump, gives a handshake so hard that it actually leaves a mark on Trump’s hand. ? pic.twitter.com/dGqkEKA5cz
— Josh Jordan (@NumbersMuncher) June 9, 2018
За време на посетата на Макрон на САД, медиумите ја забележаа блискоста и постојаното допирање на двајцата претседатели, кои беа во прегратка, се ракуваа, а Трамп дури се охрабри и да го исчисти првутот од сакото на Макрон.
Првиот состанок во Брисел во 2017 година предизвика медиумско внимание поради силното ракување што траеше невообичаено долго.
Макрон во една прилика изјави дека ракувањето со Трамп не е воопшто наивно и дека истото претставува момент на вистина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.