Свет
Ненси Пелоси победи на реизборот за спикер на Претставничкиот дом на САД
Демократката Ненси Пелоси (80) е реизбрана за претседател на Претставничкиот дом на САД на седницата за формирање на 117. американски Конгрес во неделата, пренесува ТАСС.
Пелоси ја доби поддршката од мнозинството конгресмени и таа го победи 55-годишниот републиканец Кевин Мекарти. Седницата се емитува на веб-страницата на законодавното тело.
Пелоси е избрана за спикер на долниот дом четврти пат: таа ја извршуваше оваа функција на 116. Конгрес и од јануари 2007 година до јануари 2011 година (110. и 111. свикување).
На крајот од изборите на 3 ноември 2020 година, Демократската партија на САД изгуби дел од своите мандати, но сепак го задржа мнозинството во Претставничкиот дом. Една од првите задачи на новиот Конгрес ќе биде одобрување на резултатите од претседателските избори на заедничкиот состанок на двата дома на 6 јануари.
На 14 декември Изборниот колеџ на САД ја потврди изборната победа на Бајден. Демократот доби 306 гласа, а актуелниот претседател Доналд Трамп обезбеди 232 гласа. Со 538 електори кандидатот треба да добие 270 гласа за да биде избран за претседателската функција на САД.
Трамп не го призна поразот и поведе мноштво тужби за нерегуларности и измама на гласачите во голем број клучни држави. Правните битки на Трамп беа отфрлени пред државните судови, како и од Врховниот суд на САД.
Инаугурацијата на новиот шеф на администрацијата на САД ќе се одржи на 20 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.