Свет
Нетанјаху: Имаме историска можност да го анектираме Западен Брег во јули
Израел има историска можност да ги анектира еврејските населби на Западниот Брег и мора да ја искористи можноста во јули, изјави израелскиот премиер Бенјамин Нетанјаху, пренесува „Џерусалем пост“.
„Првпат од 1948 година постои историска можност да се примени суверенитетот на договорен начин како дипломатски, суверен акт на државата Израел во Јудеја и во Самарија. Ова е можност што не треба да се пропушти“, им рече Нетанјаху на групата пратеници од Ликуд користејќи го библискиот термин за Западен Брег.
Тој додаде дека во никој случај не е подготвен да го смени предвидениот датум во јули. Условите за договорот за коалиција помеѓу Нетанјаху и шефот на синобелите, Бени Ганц, предвидуваат дека анексијата би можела да биде изнесена на гласање во Кнесетот уште на 1 јули.
Лидерот на Јисраел Бејтену, Авигдор Либерман, кој е постојан поддржувач на мировниот план на администрацијата на Трамп, исто така изврши притисок врз Нетанјаху да продолжи со анексијата.
„Ако не го сториме тоа сега, никогаш нема да се случи“, рече тој.
Планот на Трамп предвидува и демилитаризирана палестинска држава основана на поголемиот дел од Западниот Брег со делови од источен Ерусалим, кои се наоѓаат надвор од израелската безбедносна ограда како нејзин главен град.
Палестинците исто така ќе добијат економски пакет во висина од 50 милијарди американски долари ако се согласат со условите на договорот, кој вклучуваат запирање на поттикнувањето терор и ставање крај на нивната т.н. шема плати за убивање давајќи финансиски стипендии за осудени терористи и нивните семејства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.