Свет
Новата работа на Себастијан Курц е во Силиконската долина- компанија чиј клиент е ЦИА
Контроверзниот технолошки гигант, американската компанија „Палантир“, е новиот работодавец на поранешниот австриски канцелар Себастијан Курц, пишуваат австриските медиуми.
Како што наведуваат, Курц ќе замине за Силиконската долина и ќе заработува половина милион евра годишно, но ќе мора да живее на релација САД – Германија и Швајцарија. Станува збор за компанија која развива системи за анализа на големи количини на податоци, а меѓу нејзините први клиенти беа американските безбедносни служби, вклучително и ЦИА.
Веста за новото вработување на австрискиот политичар доаѓа нешто помалку од три месеци откако тој беше принуден да поднесе оставка од функцијата австриски канцелар поради корупциски скандал.
Нова информација поврзана со аферата објавија австриските медиуми минатата недела, а во центарот на оваа нова информација повторно е „човекот од доверба“ на Курц, Томас Шмид и неговата врска со милионерот Зигфрид Волф. Изгледа, се наведува во текстот, и двајцата учествувале во обидот на Волф да му се обезбедат привилегии при плаќање данок.
Полицијата од мобилниот телефон на Шмид извадила околу 300.000 пораки кои тој ревносно ги избришал. Според она што сега е познато, токму пораките на Шмид на крајот ја прекинале неверојатната политичка кариера на Себастијан Курц. Сепак, компанијата за која сега ќе работи „Палантир“, често беше мета на критики за соработка со тајните служби и собирање и користење на големи количини лични податоци.
Покрај американските безбедносни служби, Велика Британија ги користи нивните алатки за собирање податоци за коронавирусот, а данската полиција ги искористи своите алатки за да развие систем кој предвидува области каде се очекува зголемување на криминалот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.