Свет
Нова анкета покажува дека мнозинството ги сметаат климатските промени за вонредна состојба
Мнозинството возрасни испитаници во анкетата спроведена во осум држави сметаат дека климатските промени се „вонредна состојба“ и дека политичарите не успеваат да го решат проблемот.
Наодите од анкетата беа објавени пред очекуваните климатските протести на светско ниво, кои се очекува да се одржат во 150 земји.
Најмалку три четвртини од над 1.000 испитаници анкетирани во секоја од осумте земји – Бразил, Канада, Франција, Германија, Италија, Полска, Велика Британија и САД – мислат дека светот се соочува со „климатски итен случај“ кој наскоро би можел да стане крајно опасен.
Во седум од осум земји, анкетата ја става климатската криза на врвот на проблемите со кои се соочува светот пред миграцијата, тероризмот и економијата.
Две третини од испитаниците ги опишаа климатските промени како директна закана за обичните луѓе во нивната земја, а 69% од испитаниците исто така се согласуваат со изјавата дека времето за спасување на планетата истекува.
Само 21% сметаат дека владата во нивната земја прави доволно за решавање на проблемот.
Мнозинството (58%) сметаат дека владите треба да се откажат од ископувањето на јаглен, нафта и гас, при што 80% наведоа дека владите треба да ги принудат големите загадувачи да платат за штетата што ја предизвикуваат.
Најголемиот дел од испитаниците се согласуваат дека треба да се инвестира во обновливи извори на енергија и работни места во чистата индустрија, како и дека треба да се постават повеќе станици за полнење на електрични автомобили.
Климатските протести се одржуваат една недела пред самитот за климатски промени на Обединетите нации, кој ќе се одржи во Њујорк, каде што светските лидери ќе утврдат нови чекори за намалување на емисиите на штетни гасови виновни за глобалното затоплување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.