Свет
Новинари влегоа во најсовршената подморницата во светот наречена „Црната дупка“
По повод на празникoт на руските подводничари, новинари беа примени во внатрешноста на една од најсовремените руски подморници – повекенаменската дизел електрична подморница „Новороссијск“, која и припаѓа на Црноморската флота. Поради безшумноста НАТО подморницата уште ја нарекува и „Црната дупка“.
Таа веќе трета година е во функција и екипажот ја знае до совршенство, а вооружена е со крстосувачки проектили „калибар”, торпеда и мини за брзо автоматско полнење.
Нејзиниот командант, капетанот од втор ранг Константин Табачниј за телевизија „Ѕвезда” тврди дека таа е најсовршената подморница во светот.
Долга е 74 метри и е со депласман од 4000 тони, покриена со специјален материјал, којшто е тежок за откривање од страна на хидролокаторите.
Таа е тивка не само однадвор, туку и одвнатре. Во моторниот простор каде е сместен дизел-моторот, новинарите можеле мирно да разговараат додека кај претходните пловила тоа било незамисливо.
Безшумниот „Новороссијск“ одлично „слуша“ сè што се случува надвор – хидроакустичната станица може да детектира брод на 300 километри пред да таа да биде откриена.
Новиот инерцијален навигациски комплекс и овозможува на „Новороссијск“ точно да ја дефинира својата локацијата без да изплива што секако може да го искористи во момент кога се програмираат ракетите и нивниот лет до целта.
„Новороссијск“ е првата од шестте веќе изградени подморници од проектот „Варшавјанка“ за Црноморската флота.
Цената во 2009 година била 300 милиони долари. За Кина, Алжир и Виетнам се изградени и се во функција 18 подморници. Претстои да бидат изградени уште 6 парчиња за Пацифичката флота.крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.
Свет
Полицијата уапси маж во Хемпшир: фрлил 50 мртви животни пред продавница
37-годишен маж е уапсен во Хемпшир откако повеќе од 50 мртви животни биле фрлени пред продавница.
Еден од вработените ја отворал продавницата кога наишол на „ужасна“ сцена, пренесува „Sky News“. Била повикана полиција која пред продавницата пронашла околу 50 мртви зајаци и други животни.
Полицајците на Хемпшир и вооружениот тим истражувале и откриле дека животните биле застрелани со огнено оружје. Дел од животните се заштитени со закон.
Полицијата синоќа соопшти дека тој се уште е во притвор.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски „Индекс“.
Новинар и снимател на српски „Информер“ пристигнале пред куќата на вујкото на Данка, каде што се случил помал инцидент. Пред нив излегол маж, кој се претставил како вујко на Данка, и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ „Информер“ во еден момент велат: „Удри го Рафа, удри го!“ и додаваат дека ќе биде добро за „шерот“ (удел во вкупна ТВ-гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.