Свет
Ново истражување покажа колку долго ќе траат антителата кај некои луѓе
Должината на имунитетот на коронавирус може да варира од личност до личност, сугерира една нова студија.
Научниците од Сингапур заклучија дека за некои луѓе антителата и имунитетот базиран на Т-клетки може да траат со години.
Тим од медицинското училиште во Сингапур вели дека нивните откритија обезбедуваат докази дека е можно некои претходно заразени пациенти со коронавирус повторно да се инфицираат за време на следните бранови или со мутирани варијанти на коронавирусот.
Тимот проучувал 164 пациенти во Сингапур во период од шест до девет месеци.
Најмалку една третина од учесниците немале промени во нивото на антитела по најмалку шест месеци, а некои дури имале и зголемување, што укажува на тоа дека нивниот имунитет може да трае со години, смета истражувачкиот тим.
Клучната порака на оваа студија е дека долговечноста на функционалните неутрализирачки антитела на САРС-CoV-2 може да варира во голема мера и важно е ова да се следи на индивидуално ниво.
Студијата покажа дека повеќето пациенти имаат високо ниво на Т-клетки, дури и меѓу оние во „негативната“ група. Ова значи дека поединците сè уште можат да бидат заштитени ако имаат силен одговор на Т-клетките, и покрај ниското ниво на неутрализирачки антитела.
Присуството на Т-клетки дава надеж за долготрајна заштита, за што ќе бидат потребни повеќе студии и време за да се потврдат епидемиолошки и клинички докази, велат експертите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.