Свет
Норвешка: Ризикот од смрт од вакцината на „Астразенека“ е повисок отколку од Ковид-19
Норвежаните се изложени на поголем ризик од смрт ако бидат вакцинирани со вакцината на „Астразенека“ отколку ако се заразат со Ковид-19, заклучи Националниот институт за јавно здравје (ФХИ) во својата анализа на вакцината претходно поврзана со сериозни компликации во форма на ретко згрутчување на крвта и крвавење при низок број на тромбоцити, пишува весникот „Верденс ганг“.
„Воздржувањето од вакцината може да спречи до 10 смртни случаи поврзани со несаканите ефекти“, соопшти ФХИ.
Норвешка досега забележала пет случаи на сериозни нуспојави пријавени непосредно по вакцинацијата, со три смртни случаи. ФХИ ја пресметал стапката на смртност од вакцината на „Астразенека“, која изнесува 2,3 лица на 100.000 вакцинирани.
ФХИ нагласи дека продолжувањето на вакцинацијата ќе ги изложи помладите жени на неразумно висок ризик со оглед на сегашните релативно ниски нивоа на инфекција во Норвешка. Освен тоа, институтот е против нудење на вакцината на доброволна основа, што е предложено и во Норвешка и во другите скандинавски земји.
„Ние веруваме дека таквата алтернатива е неетичка и со висок ризик дека оние што ќе направат таков избор не го разбрале целосно ризикот на кој се изложени“, велат од институтот.
ФХИ смета дека препорачувањето на вакцината на „Астразенека“ за понатамошна употреба може да доведе до помала доверба кај населението во програмите за вакцинација воопшто.
Неодамнешното истражување на ФХИ во соработка со „Мајндшер“ и „Норстат“ покажа дека 76 отсто од испитаниците биле скептични кон барем една од вакцините, иако 82 отсто првично биле со позитивен став кон вакцинирањето. Од вакцините, онаа на „Астразенека“ наиде на највисоко ниво на скептицизам од 99 отсто, во споредба со „Модерна“ (9 отсто) и „Фајзер“ (8 отсто).
Сепак, владата верува дека е рано целосно да се забрани вакцината и, наместо тоа, почнува нова експертска група за понатамошно анализирање на вакцините на „Астразенека“ и на „Џонсон енд Џонсон“, која предизвика слични проблеми.
Во очекување на конечна одлука, Норвешка одлучи да ги дистрибуира своите залихи од „Астразенека“ во нордиски земји кои всушност сакаат да ги користат. Од норвешките вакцини, Шведска ќе позајми 200.000, а 16.000 ќе одат во Исланд.
Шведската агенција за јавно здравје, од друга страна, направи поинаква проценка на вакцината на „Астразенека“ и заклучи дека придобивките од вакцината ги надминуваат ризиците и несаканите ефекти. Шведскиот државен епидемиолог Андерс Тегнел посочи дека спорната вакцина е со висок заштитен ефект и го намалува ризикот од сериозно заболување и смрт, особено кај постарите лица.
Претходно десетици земји привремено ја запреа употребата на вакцината на „Астразенека“ поради извештаите за несакани ефекти. Многу од нив, како Шведска, оттогаш продолжија со користење на вакцината, наведувајќи ги како причина лошата состојба со стапката на зараза и недостигот од други вакцини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.