Свет
Обезглавена статуа на Христофор Колумбо во Бостон
Статуа на Христофор Колумбо остана без глава во Бостон, друга беше оштетена во Мајами, а трета соборена во Сент Пол, Минесота, по смртта на Афроамериканецот Џорџ Флојд, кој беше убиен од бел полицаец.
Италијанскиот истражувач со години е предмет на контроверзии во САД. Морнарот од Џенова, кој замина во историјата како човекот што ја откри Америка, честопати се смета за еден од симболите на геноцид против домородните Американци и домородците воопшто.
Десетици американски градови ги заменија прославите на Денот на Колумбо во октомври – кој стана празник во 1937 година – со ден на сеќавање за домородните народи. Но, ниту Бостон ниту Њујорк, кој има силна италијанска заедница на која овој ден е посветен, не го сторил тоа.
Во Бостон е отворена истрага за обезглавување на споменикот, но досега никој не е уапсен, изјави портпаролот на локалната полиција.
Градоначалникот на Бостон рече дека статуата ќе биде отстранета и се чека конечна одлука за нејзината судбина.
„Како и црнците во оваа земја, домородците беа малтретирани. Ова движење е моќно, а обезглавувањето на споменикот е многу симболично“, рече жена стоејќи пред оштетениот споменик во Бостон.
Во Мајами, Флорида, статуата сместена во паркот била оштетена со црвена боја, а било напишано: „Животите на црнците се важни“.
Друга статуа на тој истражувач беше срушена во вторникот вечерта во Ричмонд, Вирџинија, и со помош на јаже беше влечена до езерото и фрлена во него.
Движењето, кое ги напаѓа симболите на американско робовладетелско и расистичко минато, ги погоди и другите земји, особено Велика Британија и Белгија, каде што во последните денови биле уништени статуи што претставуваат фигури од колонијалната ера.
„Ројтерс“ јави дека денеска е срушена статуа на Колумбо во Свети Пол, Минесота.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.