Свет
Обилните снежни врнежи заробија туристи во зимско одморалиште во Пакистан, загинаа најмалку 21 лице
Најмалку 21 лице загинаа во близина на пакистанско планинско зимско одморалиште откако обилните снежни врнежи заробија илјадници луѓе на патиштата.
„Починаа најмалку 21 лице, вклучувајќи жени и деца“, соопшти спасувачката служба на планината Мури.
Десетици илјади туристи се собраа во Мури, една од најпопуларните планински дестинации северно од главниот град Исламабад, за да уживаат во глетката и снегот што почна да паѓа во вторник навечер.
Според владините проценки, повеќе од 100.000 возила се забележани во областа, а хотелите се преполни. Посетителите без сместување немале друг избор освен да преноќат во своите автомобили.
Социјалните мрежи беа преплавени со снимки од возила заробени во снегот.
Министерот за внатрешни работи шеикот Рашид Ахмед рече дека илјадници возила се’ уште се заглавени на патиштата и властите ги повикале вооружените сили да помогнат во спасувачките операции.
Властите прогласија вонредна состојба и забранија влез на возила и туристи во областа. Локалните жители им носат храна и ќебиња на заробените во возилата.
Министерот за информации Фавад Чаудри ги повика луѓето да не доаѓаат во Мури во следните неколку дена.
Пакистанската метеоролошка агенција најави дека обилните снежни врнежи во областа би можеле да траат до недела навечер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.