Свет
Обилни дождови во јужна Кина, евакуирани повеќе од 220.000 луѓе
Обилните дождови во Кина предизвикаа поплави и лизгање на земјиштето на југот на земјата, како и евакуација на стотици илјади жители, објавија денеска тамошните официјални медиуми.
Обилните врнежи се чести кон крајот на пролетта и почетокот на летото, особено во центарот и јужниот дел на земјата, каде што има многубројни фабрики.
Во последните денови обилните дождови ја погодија динамичната јужна провинција Гуангдонг и ја загрозија логистиката во време кога синџирите на снабдување се веќе под притисок поради ограничувањата против Ковид-19.
Во градот Шаогуан, кој се наоѓа на речиси 200 километри северно од главниот град на провинцијата, денеска е издадено црвено предупредување за поплави, што е највисок степен на предупредување од кинеската метеоролошка служба.
Училиштата се претворени во привремени засолништа, а стотици шатори се подигнати на едно спортско игралиште, покажуваат снимките објавени во медиумите.
Соседниот регион на југот е погоден од најобилните врнежи од 2005 година, објавија локалните медиуми. Жителите беа евакуирани со гумени чамци, а водата ги поплави станбените области.
Според локалната метеоролошка служба, 28 реки во регионот го поминале нивото на тревога од поплави.
Во источната провинција Фуџијан, која е спроти островот Тајван, повеќе од 220.000 луѓе превентивно ги напуштиле своите домови од почетокот на месецот, според новинската агенција „Ксинхуа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.