Свет
Од полноќ нови мерки во Австрија – вакцинираните со трета доза ослободени од тест на коронавирус
Од полноќ во Австрија е во сила нов режим за влез во државата според кој без карантин може да влезат само оние што го исполнуваат таканареченото правило 2Г плус или примиле бустер-доза.
Според новата регулатива, во земјата може да влезат само лица што имаат потврда за вакцинација или за прележан Ковид-19, но со негативен ПЦР-тест не постар од 72 часа.
Оние што примиле засилена доза вакцина против коронавирусот се ослободени од тестирање на коронавирус.
Секој што ќе влезе во Австрија без тест и не примил бустер-доза, ќе мора да оди во десетдневен карантин. Карантинот може да се прекине само по пет дена изолација со негативен ПЦР-тест направен во Австрија.
Дополнително, оние што не ги исполнуваат условите за влез во земјата без карантин треба да се пријават електронски пред патувањето.
Од таа мерка се изземени само трудниците и лицата што поради здравствени причини не може да се вакцинираат, а за тоа мора да поседуваат лекарско уверение. Постојат и посебни правила за деца.
Имено, децата до 12 години се ослободени од овие мерки и тие мора да бидат ставени во карантин и електронски регистрирани доколку возрасното лице со кое патуваат мора да биде изолирано.
Исклучок има и за прекуграничната работна сила, која сè уште подлежи на правилото 3Г, при што во земјата може да влезат само вакцинирани, прележани или негативно тестирани лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.