Свет
ОН: Израел не смее да наметнува свои закони за иселување на Палестинците
Портпаролот на Високиот комесаријат за човекови права на ОН, Руперт Колвил, вели дека ако биде наредено и спроведено иселување од населбата Шеик Џара, со тоа ќе се прекршат израелските обврски според меѓународното право.
Во соопштението објавено од Канцеларијата на Високиот комесаријат на ОН за човекови права, Колвил истакнува дека Источен Ерусалим останува дел од окупираната палестинска територија во која се применува меѓународното хуманитарно право, со оглед на вознемирувачките сцени од Шеик Џара.
Според истражувањето на Канцеларијата на ОН за координација на хуманитарните работи во 2020 година, против најмалку 218 палестински домаќинства во окупираниот Источен Ерусалим, вклучувајќи ги и семејствата во Силван и во Шеик Џара, покренати се случаи на иселување, повеќето иницирани од доселенички организации, со што 970 лица, вклучително и 424 деца, се изложени на ризик од раселување.
Израел мора да почитува и не може да конфискува приватен имот на окупирана територија и мора да ги почитува, освен ако е апсолутно спречен, законите што се на сила во земјата. Ова значи дека Израел не смее да наметне свои закони на окупирана територија, вклучително и Источен Ерусалим, за да ги истера Палестинците од нивните домови, рече Колвил.
Колвил истакна дека трансферот на делови од цивилното население на Израел на територијата што ја зазема е забрането според меѓународното хуманитарно право и може да претставува воено злосторство.
Портпаролот на високиот комесар го повика Израел веднаш да ги запре сите принудни иселувања, вклучително и оние во Шеик Џара, и да ја почитува слободата на изразување и собирање, вклучително и оние кои протестираат против иселувањата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.