Свет
ОН: Кризата во Либан може да доведе до нова мигрантска криза во Европа
Висок официјален претставник на ОН предупреди дека Европа ќе се соочи со нова мигрантска криза ако ситуацијата во Либан, земја опустошена од економската криза и внатрешните судири, не се реши пред да стане пропадната држава, пренесува „Брејтбарт“.
Јан Кубис, висок претставник на ОН во Либан и поранешен министер за надворешни работи на Словачка, предупреди дека кризата во земјата има потенцијал да испрати нови мигрантски бранови во Европа велејќи дека политичарите во ЕУ треба да работат на стабилизирање на ситуацијата за да ги поттикнат помладите Либанци да останат во својата земја.
„Либан е на брегот на Медитеранот. Само видете што се случува сега. Видете ги брановите миграција што ги создаваат многу други земји. И која е дестинацијата? Тоа е Европа“, рече Кубис за „Скај њуз“.
„Политичарите во Европа мора да разберат дека колку повеќе ќе поддржат реални реформи во Либан, под услов да навлезе во вистински реформи, толку подобро за нив затоа што може да ја стабилизираат ситуацијата во таков степен што ќе им даде перспектива на помладите Либанци да останат во сопствената земја“, предложи претставникот на ОН.
Кубис рече дека економската криза има потенцијал да стане безбедносна криза и дека ќе резултира во Европа да има комбинација на Сиријци, кои сè уште се како бегалци тука, како и на многу други, почнувајќи од Либанците.
Либан е потресен од граѓански немири од октомври минатата година кога владата предложи серија нови даноци за време на економската криза, вклучувајќи даноци на бензинот, тутунот, па дури и на апликацијата за пораки „Вацап“. Земјата изгуби над 200.000 работни места од почетокот на економската криза и речиси 10 отсто од сите бизниси во Либан се затворени.
Либанската фунта изгуби третина од својата вредност, што доведе до пад од 9 милијарди фунти во банкарските депозити во првите 11 месеци од 2019 година. Банките во Либан воведоа и ограничувања во повлекувањето на капиталот, со тоа што некои банки го ограничуваат повлекувањето на само 150 фунти на секои две недели.
Новата влада, предводена од Хасан Дијаб, поранешен професор, е формирана за да се справи со растечката криза. Сепак, министерот за надворешни работи на Либан, Насиф Хити, предупреди дека ситуацијата може да ја доведе земјата на патот да стане неуспешна држава.
„Ние сме многу свесни за овие многу сериозни проблеми со кои се соочува земјата: економска, финансиска криза, со силни општествени последици со текот на времето и, дефинитивно, може да има политички последици во смисла на хаос или што и да се случи потоа“, изјави Хити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.