Свет
Отава побара од Пекинг помилување за канадскиот државјанин осуден на смрт
Канадскиот министер за надворешни работи, Кристија Фриленд, во вторникот информираше дека Отава официјално побарала од Пекинг да го поштеди животот на нејзиниот државјанин Роберт Лојд Шеленберг, кој во понеделникот беше осуден на смрт откако поднесе жалба за 15-годишната затворска казна на која беше осуден во 2016 година.
Канада ја обвини Кина за произволна примена на смртната казна, пренесува „Спутник“.
„Веќе разговаравме со кинескиот амбасадор во Канада и побаравме помилување”, изјави Фриленд и ги повика Канаѓаните што патуваат во Кина да размислат за ризиците.
Шеленберг беше уапсен во Кина во 2014 или 2015 година – медиумите објавуваат различни датуми. Тој беше обвинет за вмешаност во меѓународно организиран синдикат за дрога, што тој цврсто го негира.
Кинеските власти првично го осудија Шеленберг на 15 години затвор, но на крајот од декември лани, Апелацискиот суд нареди повторување на судењето, тврдејќи дека првичната казна е премногу блага. Шеленберг сега има 10 дена да ја обжали смртната казна на која беше осуден во понеделникот.
Кина и Канада се во дипломатски спор откако финансиската директорка на „Хуавеј“, Менг Ванжу, ќерка на основачот на компанијата, беше уапсена на 1 декември во Канада под сомнение дека не ги почитува санкциите на САД против Иран.
Само неколку дена по апсењето на Менг, кинеските власти ги уапсија поранешниот канадски дипломат Мајкл Ковриг и бизнисменот Мајкл Спар под обвинение дека претставуваат закана за безбедноста на земјата. Пекинг негираше дека нивното притворање има врска со случајот на Менг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вонредна состојба во регион во Русија, поради несреќа во рудник затрупани 13 лица
Во Амурската област, на рускиот далечен исток, воведена е вонредна состојба поради инцидентот во рудникот за злато „Пионир“, во областа Зеја, каде 13 лица останаа заробени под урнатините поради пад на карпа, соопштија од тој регион.
„Во Амурската област е воведена регионална вонредна состојба поради инцидентот во рудникот Пионир во областа Зеја со цел да се мобилизираат сите сили и ресурси. Оваа одлука е донесена на вонредна седница што ја одржа регионалниот гувернер“, се вели во соопштението на локалната самоуправа.
Претставник на службата за вонредни состојби за РИА Новости изјави дека во рудникот во моментот на уривањето имало 13 лица. Групата спасувачи, главно од Руската Република Јакутија, се состои од 25 вработени, а со нив пристигнале и четири парчиња опрема.
Покрај тоа, хеликоптерот Ми-8 на руското Министерство за вонредни ситуации полета од територијата Хабаровск до местото на несреќата, пренесува Интерфакс. Од оперативните служби за Интерфакс велат дека, според првичните информации, луѓето се на длабочина од 100 до 150 метри, а засега нема информации за можни жртви.
Свет
Силен земјотрес го погоди Пакистан
Земјотрес со јачина од 5,5 степени според Рихтеровата скала ја погоди провинцијата Белучистан во Пакистан, соопшти германскиот истражувачки центар за геонауки (ГФЗ).
ГФЗ додаде дека земјотресот бил на длабочина од 10 километри, пренесува Ројтерс.
Засега нема информации за жртви, а не се знае и колкава е штетата предизвикана од земјотресот.
Свет
Дваесет загинати во израелски воздушни напади
Дваесет Палестинци се убиени рано утринава во израелските воздушни напади врз Рафах, како и врз централниот дел на Појасот Газа, соопштија здравствените власти во енклавата.
Тие додадоа дека во Рафах, на југот на енклавата, каде во моментов се наоѓаат над милион Палестинци, 14 лица загинаа, а десетици други се ранети во нападите што погодија неколку куќи и станови.
Уште шест лица загинаа во вториот воздушен напад врз куќа во бегалскиот камп Ал-Нусеират во централниот дел на Појасот Газа, додадоа официјални лица.
Деир Ал Балах, град во централниот дел на Појасот Газа, на околу 14 километри јужно од градот Газа, исто така беше бомбардиран во текот на ноќта, јавува Ројтерс.
Од почетокот на израелската агресија врз Газа, според Министерството за здравство во Појасот Газа, загинале повеќе од 31.000 луѓе.
Шефот на израелската разузнавачка служба Мосад, Дејвид Барнеа, во понеделникот отиде во Катар за да ги продолжи преговорите за привремен прекин на огнот и ослободување на израелските заложници во Газа, пишува „Тајмс оф Израел“.