Свет
Пакистан, Кина и Русија ќе тргуваат со локални валути, избегнувајќи го доларот
Претставници од министерствата за финансии и од централните банки на Кина, Индија, Русија, Пакистан, Киргистан, Таџикистан и Узбекистан ќе присуствуваат на конференцијата на Шангајската организација за соработка во Москва, пренесува „Бизнис-рикордер“.
Осумте земји членки на Шангајската организација за соработка (СЦО), вклучително и Кина, Русија и Пакистан, донесоа основна одлука да ги спроведуваат билатералната трговија и инвестициите и да издаваат обврзници во локална и национална валута наместо во американски долари.
Во однос на деталите, водичот ќе биде финализиран и потпишан на состанокот на министрите за финансии на СЦО во Москва на 18 март.
Русија, како претседател на СЦО, побара предлози од сите земји членки за трговија и инвестиции во локалните валути. По деталниот преглед на овие предлози на состанокот во Москва, ќе се воведе систем за меѓусебно порамнување на националните валути за земјите членки на СЦО.
Сите земји членки ќе го потпишат водичот за трговија и инвестиции во национални валути меѓу земјите членки. Русија веќе ја објави агендата за состанокот на министрите за финансии на СЦО.
Во извештаите се вели дека ако трговијата и инвестициите меѓу земјите членки на СЦО почнат во национални валути наместо во долари и фунти, тоа ќе биде голем напредок. Исто така, ќе ги зајакне националните валути на земјите членки и ќе ги промовира меѓусебната трговија и инвестиции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.