Свет
Палестинец убиен во судири со израелската армија
Израелските трупи денеска убија Палестинец, објави палестинското Министерство за здравство.
„Ние сме свесни за извештаите за убиството на Палестинец. Причината за тоа сè уште не е позната. Инцидентот се испитува “, изјави портпаролката на израелската армија.
Тензиите во регионот остануваат на високо ниво и покрај примирјето постигнато минатата недела помеѓу Израел и палестинското милитантно движење Хамас во Газа, со што заврши 11-дневниот конфликт, анализираат светските агенции.
Неколку стотици Палестинци се собраа во близина на Наблус, на северозападниот брег, да протестираат против новите израелски населби.
Некои од нив, со маскирани лица, фрлаа камења кон војниците и запалија гуми, пренесува „Ројтерс“.
Израелската војска соопшти за насилни немири во кои Палестинците запалиле и фрлале камења кон безбедносните сили како одговор на мерките за контрола на немирите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.