Свет
Паника од синдромот „Хавана“во Пентагон, експертите велат-симптомите се влошуваат
Американскиот Стејт Департмент започна истрага за серијата неразјаснети инциденти со кои се соочуваат нивните вработени на американско тло, дознава Си-Ен-Ен. Мистериозните напади врз американскиот персонал се слични на нападите врз вработените во американската амбасада во Куба пред неколку години. Тие пријавија симптоми како што се вртоглавица, исцрпеност, гадење, главоболка или тинитус.
Претставници на Министерството за одбрана ги известија за инцидентите членовите на Комитетот за вооружени служби во Сенатот и на Претставничкиот дом на почетокот на овој месец. Особено алармантно е што истрагата се обидува да открие како може да се случи таков мистериозен напад во ноември 2020 година во близина на Белата куќа, кога службеник на Советот за национална безбедност, според извори запознати со оваа тема, се разболел во близина на „Елипсата“ тревник во зградата на Пентагон. Друг официјален претставник на Белата куќа пријави сличен напад во 2019 година додека го шеташе своето куче недалеку од Вашингтон.
Официјалните лица наскоро започнале да го испитуваат, како што го нарекуваат, „Хаванскиот синдром“, збир на невообичаени симптоми што првпат ги регистрирале дипломатскиот и разузнавачкиот персонал во 2016 година година во Куба.
„Нема ништо што секретаријатот за одбрана го сфаќа посериозно од безбедноста, здравјето и благосостојбата на нашиот персонал кој служи низ целиот свет во одбраната на нашите вредности и слободи“, изјави портпаролот на Пентагон.
„Сите проблеми се темелно разгледани и се преземаат соодветни мерки за да се намалат ризиците за нашиот персонал“, вели тој.
Портпарол на Белата куќа изјави дека тие тесно соработуваат со одделенија и агенции за решавање на „необјаснети здравствени инциденти и гарантирање на безбедноста на американците ширум светот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.