Свет
Папата присуствуваше на традиционалната вечерна миса, но не ја предводеше
Папата Франциско присуствуваше на вечерната богослужба во базиликата „Свети Петар“ во петокот пофалувајќи ги сите што одговорно и солидарно одговорија на пандемијата на Ковид-19, а не со став „секој за себе“.
Папата не ја водеше мисата како што се очекуваше, туку должноста му ја препушти на ватиканскиот кардинал. Ватикан не објасни зошто се чини дошло до промена во последен момент бидејќи на програмата пишувало дека мисата ќе ја води Франциско.
Но, светиот отец влегол во црквата без помош и изгледал добро. Тој седеше за поголемиот дел од мисата.
Подоцна без мака излезе на подиумот и ја прочита својата проповед. Минатата година Френциско беше принуден да ја прескокне мисата поради ишијалгијата, која му предизвика болка во ногата.
И оваа година, ако ја предводеше мисата, папата ќе требаше да застане, да клекне и да држи тежок златен сад со причести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.