Свет
Папата Франциско: Време е да се стави крај на пандемијата на сиромаштијата
Папата Франциско изјави викендов дека пандемијата на коронавирус треба да го промени животот на луѓето на подобро, отворајќи го патот за похристијанско општество.
„Кога ќе излеземе од оваа пандемија, нема да можеме да продолжиме да го правиме она што го правевме и како тоа го правевме. Не, сè ќе биде поинаку. Од големите тестови на човештвото – и меѓу нив пандемијата – луѓето излегуваат или подобри или полоши. Никогаш не излегуваат исти “, рече папата во видеопораката за христијанскиот празник Духови, објавена на официјалната страница на Ватикан.
По преживеаната изолација, луѓето треба да бидат почувствителни на потребите на другите, рече папата, и порасположени да се справат со пандемијата на сиромаштијата.
„Сите страдања ќе бидат бескорисни ако не градиме поправедно, почесно, похристијанско општество, не само на збор туку и во реалноста, реалност која нè води кон христијанско однесување“, продолжи тој. „Ако не работиме да ставиме крај на пандемијата на сиромаштија во светот, во секоја наша земја, во градот во кој живее секој од нас, овој пат ќе биде залуден“.
Според папата Франциско, денес повеќе од кога и да е ни треба „Таткото да ни го испрати Светиот Дух“, рече папата, затоа што на светот му требаат вистински сведоци на Исус.
„Денес светот страда, ранет е. Живееме во ранет, страдален свет, особено најсиромашните, кои се отфрлени “, рече тој. „Потребно е наше сведоштво на Евангелието, Евангелието на Исус . Ние не се спасуваме. Никој не е спасен сам. Никој. Ние тоа го знаеме тоа, но оваа пандемија што ја преживеавме нè натера го доживееме на многу подраматичен начин“.
Папата смета дека пред нас стои должност да изградиме нова реалност.
„Господ ќе го стори тоа и ние можеме да соработуваме, бидејќи тој вели: Јас ги правам сите нешта нови”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.