Свет
Папата Франциско прв пат го призна кинескиот прогон на Ујгурите
Папата Франциско прв пат го призна прогонот што кинеската Комунистичка партија (ККП) го врши врз Ујгурите муслимани во новата книга за животот по Ковид-19.
Во својата претстојна книга „Ајде да сонуваме: Патот кон подобра иднина“, папата наведува дека „често мислам на прогонувани народи: Рохинџите, сиромашните Ујгури, Јазидите“, изненадувачки скршнувајќи од својата непишана политика никогаш да не ја критикува Кина.
ККП стави еден до три милиони Ујгури и други етнички малцинства во концентрациони логори, за каде што има веродостојни извештаи за генетско тестирање, собирање органи, тортура и за принудни абортуси. Иако понтифот редовно го критикува кршењето на човековите права низ целиот свет, тој студиозно избегнуваше сè што може да се протолкува како критика за Пекинг, и ова е првпат тој да се обиде да ги вклучи Ујгурите меѓу оние кои страдаат од прогонства.
Минатиот декември, во својата годишна Божиќна порака, папата се молеше за проблематичните региони во светот, сеќавајќи се на сите кои страдаат од прогонство, а сепак никаде во исцрпната листа не беше споменато прогонството на верниците во Кина.
Во своите молитви, папата ги наведе Блискиот исток, сирискиот народ,либанскиот народ, Ирак, Јемен, целиот американски континент, народот во Венецуела луѓе, Украина, народите во Африка, Демократска Република Конго, Буркина Фасо, Мали, Нигер и Нигерија. Забележливо беше отсуството во молитвата на кинеските христијани, членовите на Фалун Гонг, демонстрантите од Хонг Конг или муслиманите Ујгури, кои трпат постојана репресија од Пекинг.
Во 2017 година, папата славно ја бранеше религиската слобода во Кина иако групите за човекови права во светот го осудуваа режимот во Пекинг за огромна репресија на верската практика. Во интервју за „Ел Паис“, папата рече дека би сакал да ја посети Кина штом го поканат.
„Во Кина црквите се полни. Таму можете да ја практикувате вашата вера“, тврдеше тој.
Зборовите на папата ги повтори и неговиот аргентински бискуп Марсело Санчез Сорондо, кој раководи со Папската академија за општествени науки во Ватикан и кој имаше слични блескави пофалби за комунистичкиот режим. На почетокот на 2018 година, Сорондо го изненади светот велејќи дека Кина во пракса го создала најдобриот модел на католичко социјално учење денес.
Изјавите на Санчез предизвикаа остро критикување од експертот за Кина, отец Бернардо Сервелера, директор на „Азија њуз“, кој го прозва Аргентинецот за неговото смешно впздигање на кинеското општество, со ја изложил Католичката црква на потсмев. Во остриот коментар под наслов „Бискупот Санчез Сорондо во земјата на чудата“, отец Сервелера рече дека Санчез бил целосно амаен од кинеските власти при својата единствена посета таму, покажувајќи му точно што сакал да види и ништо друго.
„Во своето незнаење, бискупот Санчез ја опишува Кина како земја на чудата што не постои“, напиша Сервелера, „во измислен расказ за земја без сиромашни квартови, без дрога и без угнетување“.„Да не зборуваме дури и за верската слобода во Кина. Верската слобода треба да биде столб на социјалната доктрина на Католичката црква. Можеби треба да му предложиме на бискупот да ги чита дневните вести за насилство, апсења на христијани, муслимани, будисти, злоупотреби врз домашни цркви и контроли врз официјалните цркви“.
„Можеби треба некој да му каже на Сорондо дека од 1 февруари, со имплементацијата на новите регулативи, сите неофицијални цркви се затворени и најмалку 6 милиони католици веќе немаат каде да се молат. Покрај тоа, локалните власти сега забрануваат малолетни лица на возраст под 18 години да влегуваат во цркви, дури и официјални. Како што рече еден свештеник, ‘Кина ја претвори црквата во ноќен клуб, само за возрасни“, додаде свештеникот.
Франциско сонува да биде папата кој ќе воспостави дипломатски односи со Пекинг и за да ја постигне оваа цел е подготвен да направи „отстапки“, изјави во декември минатата францускиот аналитичар на Ватикан, Албан Микози.Изминатиот јули, Форин Аферс објави остра статија во која се забележува како истакнати Евреи биле подготвени да ги повикаат кинеските злосторства кон Ујгурите муслимани за разлика од тишината на Католичката црква.
Претседателот на Одборот на заменици на британските Евреи, Мари ван дер Зил, направи споредби помеѓу маките на Ујгурите во Кина денес и холокаустот, забележа Бенедикт Роџерс во својот напис, а сепак од Ватикан не е донесено такво обвинение.
Сега, за прв пат, постои мала светлина на надеж дека ова може да се промени. Додуша, една реченица скриена во книга – едноставно признание за страдањата на прогонетите Ујгури муслимани – не е толку моќна како формалната декларација. Сепак, кога некој гладува, и трошките се гозба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.