Свет
Папата Франциск стигна во Унгарија
Папата Франциск денеска пристигна во Унгарија, започнувајќи го краткиот престој во оваа земја каде што ќе разговара со премиерот Виктор Орбан.
Поглаварот на Римокатоличката црква ќе помине само седум часа во главниот град Будимпешта за да го затвори големиот меѓународен верски конгрес пред да замине во Словачка, каде што ќе остане подолго, посетувајќи четири градови за тоа време, пренесува „Ројтерс“.
„ Ги продолжуваме патувањата и тоа е многу важно затоа што можеме да ги пренесеме нашите зборови и поздрави до луѓето“, им рече папата на новинарите на летот кон Будимпешта.
На прашањето за неговата неодамнешна операција, папата рече дека се чувствува добро. Според државната унгарска телевизија, папата Франциск на аеродромот бил пречекан од вицепремиерот на Унгарија, Золт Шемјен, кардиналот Петер Ердо и унгарските бискупи.
Насмеаниот папа кратко им мавташе на децата што стоеја во ред за да го поздрават пред да се качи во автомобилот што го возеше до центарот на Будимпешта.
Во распоредот на Ватикан стои дека папата ќе се сретне со премиерот Виктор Орбан и претседателот Јанош Адер, како и бискупите и претставниците на некои еврејски заедници, пред да одржи миса за да го заклучи големиот меѓународен верски конгрес што започна минатата недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.