Европа
Над 12 500 војници на парадата на победата во Москва
На Црвениот плоштад во Москва се одржува воена парада по повод Денот на победата. Во воздушниот дел од парадатаа учествуваат 75 екипажи на оперативно-тактичкото, воено-транспортното и воено воздухопловство. На почетокот на парадата рускиот министер за одбрана, Сергеј Шојгу, изврши смотра на единиците, по што следеше рапорт од страна на претседателот на Руската Федерација, Владимир Путин.
Во обраќањето пред присутните, Путин го честиташе 9 Мај и потсети на триумфалната победа во Втората светска војна.
„Наш долг е да го чуваме сеќавањето за храброста на војниците кои ги дадоа животите за другите. Секогаш ќе бидеме горди на тоа што Советскиот Сојуз не го свитка ‘рбетот пред суровите непријатели“, рече Путин и истакна: „Нашиот народ се бореше до смрт“.
На парадата на московскиот плоштад учествуваат повеќе од 12 500 војници. На настанот ќе биде прикажан новиот роботски тенк „Уран 9“ вооружен со противтенковски ракети, топови и митралези. „Уран 9“ може сам да ги лоцира целите, но одлука за стрелање носи командирот на возилата кој седи во блиндиран камион, не подалеку од три километри од „Уран 9“.
Ќе биде претставен и „роботски диверзант“, возило „Уран 6“, кое се користи за чистење мини. Ова возило исто така се вози со далечински управувач, а дострелот му е до еден километар.
За првпат на парадата ќе биде прикажан теренски пешадиски баги, наменет за сите терени. Возило АМ-1 има две седишта за руски војници, а дизајнирано е за пешадија или за специјални единици за примена за време на операцијата на непристапни терени.
Ќе биде прикажан и новиот дрон „корсар“, кој може да се користи за ракетни напади, набљудување и пренос на залихи. „Корсар“ има дострел повеќе од 160 километри, автономија на лет од 10 часа, а може да лета на висина до 6 километри. Се очекува и прелетување на авиони ловци, бомбардери и хеликоптери.
На небото на Москва ќе бидат стратешките ракетни носачи Ту-160, Ту-95МС, бомбардери со долг дострел Ту-22М3, авиони-танкери Ил-78, воено-транспортерни авиони Ил-76МД, ловци Су-35, Су-30СМ, „миг 29“, пресретнувачи „миг 31БМ“, ловци-бомбардери Су-34, бомбардери Су-24М, јуришни авиони Су-25.
Се очекува да биде виден и стелт-авион ловец од петтата генеарција, гордост на руското воено воздухопловство, „сухој 57“. Авионите „миг 31“ ќе ја прелетуваат Москва носејќи нови хиперсонични противбродски ракети „кинзал“, кои можат да уништат и носат авиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.