Свет
Пелоси повика на бојкот на Зимските олимписки игри во Пекинг
Претседателкaта на Претставничкиот дом на САД, Ненси Пелоси, во вторникот, 18 мај, повика на американски дипломатски бојкот на Зимските олимписки игри 2022 година во Пекинг и ја критикуваше Кина за кршење на човековите права, пишува Би-би-си.
Таа исто така рече дека светските лидери кои ќе присуствуваат на Игрите ќе го изгубат својот морален авторитет.
„Ако шефовите на држави дојдат во Кина за време на геноцидот, навистина се поставува прашањето каков морален авторитет би имале доколку повторно разговараат за човековите права на кое било место во светот“, рече Пелоси.
Независната комисија на Обединетите нации (ООН) во 2018 година извести за најмалку еден милион Ујгури и други муслимани кои се во логори во кинескиот регион Синџијанг. Пекинг ги опишува како центри за обука за борба против екстремизмот и силно ги негира обвинувањата за злоупотреба и геноцид.
Портпаролот на кинеската амбасада, Лиу Пенгиу, за „Ројтерс“ изјави дека обидите на САД да се мешаат во внатрешните работи на Кина во текот на Олимписките игри се осудени на неуспех.
„Се прашувам зошто некои американски политичари мислат дека тие навистина имаат таканаречен морален авторитет. Кога станува збор за прашања за човековите права, тие не се во позиција, ниту историски ниту во моментов, безмилосно да ја критикуваат Кина”, рече Лиу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.