Свет
Пентагон: Вистина е, бараме вонземјани
Mинистерството за одбрана на САД за првпат официјално и експлицитно потврди дека се занимава со испитување на „неидентификувани воздушни феномени“. Пентагон преку портпаролот Кристофер Шервуд за првпат призна дека американската војска и понатаму ги испитува пријавите за неидентификуваните летечки објекти НЛО.
Со потрагата по можни вонземјански летала се занимавала тајна групација од Министерството за одбрана на САД, наречена „Напредна програма на идентификација на заканите во воздушниот простор“ (AATIP), која била згасната во 2012 година.
„Министерството за одбрана ги испитува и истражува неидентификуваните воздушни феномени. Тоа сме го работеле и ќе го работиме и понатаму. Мораме да ги идентификуваме сите летала кои оперираат во нашиот воздушен простор, но и да идентификуваме какви било активности кои би можеле да претставуваат закана по нашата татковина. Досега нашите извештаи кои ги правевме за неидентификувани летала беа со цел да спречиме какво било стратешко изненадување од страна на нашите непријатели“, изјавил портпаролот на Пентагон, Кристофер Шервуд.
The Pentagon has finally admitted it is investigating UFOs. pic.twitter.com/kTqe18dmK2
— Fox & Friends First (@FoxFriendsFirst) May 23, 2019
„Официјалните лица во Пентагон секогаш биле внимателни во објаснувањата, велејќи дека испитуваат следна генерација на авиони, проектили и дронови. Ова признание јасно укажува на тоа дека испитувале нешто коешто јавноста го нарекува НЛО. Се разбира поради ваквиот термин ја искористиле конструкцијата на ‘неидентификуван воздушен феномен’“, изјави Шервуд.
Џон Фринвалд, сопственик на сајтот The Black Valut, кој исклучиво третира теми на заговор, вели дека ова е големо изненадување, затоа што Пентагон со децении се обидува да сокрие дека се занимава со испитување на НЛО и забележување на вонземјански летала. AATIP до 2012 година кога згаснала, имала буџет од 22 милиони долари.
Кога станува збор за теориите на заговор за вонземјаните, најголемата мистерија е прочуената Област 51, базата на американската војска, чие постоење никогаш официјално не било признато. Многумина веруваат дека на некогашното артирелиско стрелиште се испитуваат остатоците од НЛО собрани од Розвел, како и дека се спроведува соработката и договорите кои САД ги прават со вонземјани. Има дури и тврдења, кои ги изнел научникот Бојд Бушман, велејќи дека во Областа 51 работат 18 вонземјани. Но, новинарката Ени Џејкобсен тврди дека тоа е место каде што се испитуваат остатоци од руските летала како „мигови“, но и се развиваат необични авиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Свет
Хамас и Исламски џихад нападнаа израелски војници во близина на болницата Ал Шифа
Израелските сили и палестинските борци денеска се судрија околу болницата Ал Шифа во Газа, каде вооружените крила на Хамас и Исламски џихад соопштија дека нападнале израелски војници и тенкови со ракети и минофрлачки оган.
Израелската војска соопшти дека продолжува да оперира околу болничкиот комплекс во градот Газа, откако упадна во него пред повеќе од една недела. Израелските сили убиле околу 200 милитанти од почетокот на операцијата притоа спречувајќи штета на цивили, пациенти, медицински тимови и медицинска опрема, соопшти армијата.
Министерството за здравство на Газа соопшти дека ранетите и пациентите се сместени во административната зграда на Ал Шифа, која не е опремена за да им обезбеди соодветна медицинска нега. Пет пациенти починаа од почетокот на последниот израелски напад поради недостиг на храна, вода и медицинска нега, соопшти Министерството кое го води Хамас.
Ал Шифа, која беше најголемата болница во Газа пред војната, е една од ретките здравствени установи кои делумно продолжија да функционираат во северниот дел на Газа пред последните борби. Во него се сместени и раселените цивили.
Вооружените крила на милитантните групи Хамас и Исламски џихад во соопштението соопштија дека во заедничка операција бомбардирале со минофрлачки гранати групи израелски војници во близина на комплексот Ал Шифа“.
Исламски џихад истрела противтенковска ракета врз израелски тенк пред болницата, се вели во друга изјава. Израелската војска објави дека милитантите пукале врз нејзините сили од внатрешноста на зградата за итни случаи, како и од областа околу неа.
Израел тврди дека цели кон милитантите на Хамас кои се засолнуваат во цивилни згради, вклучувајќи станбени блокови и болници, што Хамас го негира.
Најмалку 32.552 Палестинци се убиени, а 74.980 се ранети во израелската воена офанзива во Појасот Газа од 7 октомври, соопшти во четвртокот Министерството за здравство на крајбрежната енклава.
Се верува дека илјадници други загинале под урнатините и дека над 80 отсто од 2,3 милиони жители на Газа се раселени, а многумина се изложени на ризик од глад.
Војната избувна откако милитантите на Хамас го нападнаа јужниот дел на Израел, убивајќи 1.200 луѓе и зедоа 253 заложници.
Светската здравствена организација соопшти дека болницата Ал Амал е затворена поради борбите, оставајќи делумно функционирање само 10 од 36-те болници во Појасот Газа.
СЗО уште еднаш бара итен прекин на нападите врз болниците во Газа и повикува на заштита на медицинскиот персонал, пациентите и цивилите, рече шефот на организацијата, Тедрос Аданом Гебрејесус, во четвртокот на X.
Свет
(Видео) Огромна дупка во Рим проголта два автомобили
Огромна дупка се отвори на улица во југоисточен Рим и проголта два паркирани автомобили.
Дупката со дијаметар од 10 метри и длабочина од околу 10 метри се отворила во раните утрински часови, јавуваат италијанските медиуми, повикувајќи се на локалната полиција.
Фотографиите и видеата од огромниот кратер брзо се проширија на социјалните мрежи.
MASSIVE SINKHOLE ÖFFNET SICH BEI ROM! – 28.3.2024
In der Nacht öffnete sich in Rom ein riesiges Sinkhole, das zwei Autos verschluckte. Ein drittes blieb in der Schwebe. Das Sinkhole öffnete sich in der Via Sestio Menas in Quadraro in Rom. pic.twitter.com/51aNnxhT46
— Ramses 🇨🇭 (@RS38900) March 28, 2024
Нема извештаи за жртви, а службите за итни случаи соопштија дека за време на инцидентот немало луѓе на улица. На местото на настанот пристигна локалната полиција и пожарникарите.
На фотографиите се гледаат други автомобили паркирани покрај дупката, кои морале да се отстранат.
Во поголемите италијански градови често се отвораат кратери. Кон крајот на февруари, огромна дупка во Неапол, јужна Италија, проголта неколку автомобили во прометна населба.
Дури и во Рим ваквите инциденти не се ретки. Една од причините за тоа е староста на италијанската престолнина, каде стотина години се вршат ископувања и градежни работи.