Свет
Пентагон: Русија да ги разјасни намерите со движење на трупите на украинската граница
Намерите на Русија во врска со нејзиното движење на трупите на границата со Украина остануваат нејасни за САД и Вашингтон ја повика Москва појасно да ги прецизира, изјави портпаролот на американското Министерство за одбрана, Џон Кирби, пренесува ТАСС.
„Намерата не е целосно јасна и верувам дека нашите колеги од Стејт департментот вчера ја повикаа Русија да ги соопшти своите намери. Продолжуваме да ги следиме руските трупи по должината на границата со Украина, конкретно кај Крим “, рече Кирби.
Тој избегна директно да одговори на прашањето дали, според мислењето на Вашингтон, руски трупи можат да бидат распоредени во Источна Украина.
„Се обидувам да избегнам, ако можам, да зборувам за конкретни операции тука, особено за операции на друга војска“, рече портпаролот.
Во понеделникот, портпаролот на Стејт департментот на САД изјави дека неговата земја е подготвена за соработка со Москва во врска со ситуацијата во Источна Украина. Во исто време, според него, САД сметаат дека извештаите за движењето на руските трупи на границата со Украина и на Крим се веродостојни. Портпаролот ја повика Русија да се воздржи од какви било активности што можат да доведат до ескалација.
Во изминатите неколку дена, западните нации изразија загриженост во врска со извештаите на Украина за наводно трупање руска војска на нејзините граници.
Портпаролот на Кремљ, Дмитриј Песков, изјави дека другите земји не треба да сметаат дека загрижувачки е движењето на воените единици на руска територија, бидејќи Русија не претставува закана за другите држави, вклучително и за Украина. Тој исто така истакна дека настаните во Донбас се внатрешен конфликт на Украина и руските трупи никогаш не учествувале во него.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.