Свет
Песков: Кремљ се залага за одржување на единството на православниот свет
Одржувањето на единството на православниот свет е најпосакувана опција за Москва, рече портпаролот на Кремљ, Дмитриј Песков, коментирајќи за можното доделување автокефалност на Украинската православна црква.
„Одржувањето на единството на православниот свет е несомнено најпосакувана опција за Москва и целиот православен свет“, истакна тој.
Кремљ свикал итен состанок на Светиот синод на Руската црква, соопшти Песков.
„Алармантните извештаи за одлуките што може да ги преземе Украинската црква дефинитивно предизвикуваат загриженост“, рече тој додавајќи дека во исто време овие прашања се однесуваат на меѓуцрковниот дијалог и државата не може да се меша во тоа.
Светиот синод на Руската црква одржа итен состанок во Москва. Според патријархот московски и на цела Русија, Кирил, агендата на состанокот вклучува само едно прашање поврзано со одлуката за обезбедување автокефалност на Украинската православна црква, направена од Цариградската патријаршија во Цариград.
Патријархот Кирил истакна дека Светиот синод на Руската православна црква силно протестира против овој потег. Тој додаде дека Московската патријаршија ќе преземе одмазднички чекори во блиска иднина.
Цариградската црква издаде соопштение на 7 септември назначувајќи двајца егзарси во Украина како чекор кон доделување автокефалност на Украинската православна црква.
Шефот на одделот за односи меѓу Црквата и општеството на Москва, Владимир Легоида, во интервју за ТАСС изјави дека Московската патријаршија може да ги прекине врските со Цариградската патријаршија во случај да го легализира расколот во црквата.
Украинската православна црква во Московската патријаршија во моментот има повеќе од 12.000 парохии и 200 манастири во рамките на својата област.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.