Свет
Песков: Русија е подготвена на соработка со Германија за случајот со Навални
Русија е подготвена целосно да соработува со Германија во случајот со лидерот на руската опозиција, Алексеј Навални, за кого Берлин смета дека е затруен од нервниот агенс новичок, изјави портпаролот на Кремљ, Дмитриј Песков, пренесуваат западните агенции.
„Потврдуваме дека сме подготвени и заинтересирани за целосна соработка и размена на информации на таа тема со Германија“, рекол Песков, пренесува руската државна агенција РИА Новости.
Песков истакнал дека Германија официјално не ја известила Русија за нејзините заклучоци.
„Руското државно обвинителство испрати официјално барање до германската страна во надеж дека ќе добие официјален одговор. Нашите лекари предложија и официјална кореспонденција и размена на информации, но, за жал, тие не добија официјален одговор од германските колеги”, рекол Песков.
Руското Министерство за надворешни работи ја обвини Германија за водење „дипломатија преку мегафон“ и замена на „нормалната соработка“ со „информативна кампања“, игнорирајќи ги постојните правни механизми за соработка.
Претходно, Велика Британија ја повика Русија да ја каже вистината за Алексеј Навални, за кого Берлин смета дека е отруен со рускиот нервен отров новичок, оценувaјќи дека употребата на забрането хемиско оружје е целосно неприфатлива.
Вашингтон ја истакна својата загриженост дека резултатите од медицинските прегледи во Германија за Алексеј Навални укажуваат на труење.
„САД се длабоко загрижени за резултатите и го осудуваат чинот“, соопшти Советот за национална безбедност на Белата куќа.
Според агенциите, извор од американската влада нагласил дека Соединетите Држави немаат причина да се сомневаат во заклучокот на германската влада дека Навални бил отруен со нервниот отров новичок.
Европската Унија исто така го осуди труењето на Навални и ја повика Русија целосно да го испита овој „обид за убиство“ и „да ги изведе одговорните пред лицето на правдата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Судот во Њујорк поништи пресуда на Харви Вајнстин за силување
Судот во Њујорк ја укина пресудата на Харви Вајнштајн за силување во 2020 година и нареди ново судење за случајот „MeToo“, пишуваат странските медиуми.
Во пресудата се наведува дека му било судено врз основа на неговото однесување во минатото, а не само врз основа на делата за кои бил обвинет. Судот одлучи дека судењето „погрешно го прифатило сведочењето за наводни претходни сексуални дејствија против лица кои не биле тужители во овој случај“.
Вајнстин (72) отслужува 23-годишна затворска казна во њујоршки затвор, откако беше осуден за сексуален напад за насилен орален секс со асистентка на ТВ и филмска продукција во 2006 година и за напад на актерка во 2013 година.
Тој ќе остане во затвор бидејќи беше осуден за уште едно силување во Лос Анџелес во 2022 година и осуден на 16 години затвор.
Обвиненијата против Вајнстин започнаа во 2017 година и го поттикнаа движењето #MeToo кое го разоткри сексуалното вознемирување на највисоките нивоа на холивудската филмска индустрија.
Европа
Русија и се закани на Полска
Заменик-министерот за надворешни работи на Русија, Сергеј Рјабков се закани дека Русија ќе ги таргетира нуклеарните оружја и објектите на НАТО, доколку тие бидат распоредени во Полска. Тој рече дека заедничките нуклеарни мисии на НАТО во близина на руската граница се сметаат за закана за нејзината безбедност, пренесува руската државна агенција ТАСС.
„Да не кажам ништо за трајно распоредување, за што зборуваат жешките глави во Варшава. Затоа сите оние политичари кои разговараат за таква опција во Полска и во странство треба да разберат: соодветните капацитети неизбежно ќе бидат цел. Тие ќе бидат први на список на нашето воено планирање“, се закани тој.
Полска во понеделникот објави дека е подготвена да прифати нуклеарно оружје на своја територија доколку НАТО, чиј член е, одлучи да го зајакне своето источно крило бидејќи Русија распоредува ново оружје во Калининград и Белорусија.
„Доколку нашите сојузници одлучат да распоредат нуклеарно оружје на наша територија како дел од дистрибуцијата на нуклеарно оружје за да ја зајакнеме безбедноста на источното крило на НАТО, ние сме подготвени на тоа“, изјави Анджеј Дуда за весникот Факт.
„Војната меѓу Русија на Владимир Путин и НАТО би завршила со неизбежен пораз на Москва“, изјави денеска полскиот министер за надворешни работи Радослав Сикорски.
„Ние, Западот, не треба да се плашиме од конфликт со Путин, туку обратно“, рече Сикорски за време на говорот во Сејм, Долниот дом на полскиот парламент. Сикорски додаде дека рускиот воен и економски потенцијал „бледи во споредба со оној на Западот“, бидејќи НАТО има три пати повеќе воен персонал, три пати повеќе воздушен персонал и четири пати повеќе бродови од Русија.
Свет
Египет го достави предлогот на Хамас до Израел за едногодишен прекин на огнот во Газа
Египетските власти му доставија на Израел предлог изготвен од Хамас, со кој се бара едногодишен прекин на огнот во Појасот Газа во замена за радикалните Палестинци да ги запрат нападите врз израелските сили, објави ТВ каналот Ал Хадат со седиште во Дубаи.
Според извештаите, Египет го доставил предлогот на Хамас до израелската делегација. Изворите наведоа дека и Египет презентирал сопствена иницијатива, барајќи од Израел целосно да ја прекине операцијата во градот Рафах на југот на Појасот Газа во близина на египетската граница, пренесе ТАСС.
За возврат, египетските власти ветуваат дека ќе обезбедат „напредок во разговорите“ со радикалните палестински групи за ослободување на израелските заложници што ги држат во Појасот Газа, велат изворите.
На 1 декември 2023 година, израелската армија го обвини Хамас за кршење на примирјето што стапи на сила на 24 ноември и за продолжување на борбените операции во Појасот Газа.