Свет
Пејачот на „Рамштајн“ избирал девојки од концертите, а потоа ги дрогирал и силувал: владата бара итни мерки
Германската влада побара мерки за заштита на женската публика на домашниот култен метал-бенд „Рамштајн“ по обвинувањата против пејачот на групата за сексуална злоупотреба.
„Особено младите мора да бидат подобро заштитени од агресија“, изјави германската министерка за семејство Лиза Паус од зелената партија, а „Рамштајн“, еден од најпознатите европски метал-бендови, е на турнеја низ целиот континент.
Министерката предложи на концертите особено да се воведат заштитни зони за жени и тимови, кои би можеле да интервенираат во случај на сексуална злоупотреба.
Треба бргу и конкретно да разговараме за заштитните мерки, побара министерката, истакнувајќи дека би било „корисно да се води сериозна дискусија за одговорноста на уметниците и организаторите кон посетителите на концертот“.
Пејачот Тил Линдеман е обвинет за сексуална злоупотреба од неколку жени, објавија деновиве државната телевизија NDR и весникот Suddeutsche Zeitung.
Пејачот е осомничен дека избрал група девојки од првите редови на концертите, кои ги поканил на забава по концертот. Две девојки тврдат дека на тие забави биле дрогирани и принудувани на секс, што бендот го демантира.
Според истрагата на неделникот „Велт“, опишан е целиот систем во службата на пејачот, во кој девојките од првиот ред биле снимани и фотографирани за Линдеман (60) да може да ги избере оние што му се допаѓаат.
Оваа недела на Олимпискиот стадион во Минхен треба да се одржат четири концерти, каде што нема да има први редови пред бината, од која пејачот избирал девојки.
„Организаторот нè информира вчера дека нема да има простор за Row Zero или забава по концертот овде“, изјави Тобијас Колер, портпарол на стадионот на кој ќе настапи бендот, за AФП.
„Рамштајн“, кој е основан 1994 година и се откажа од провокациите во своите музички спотови, во наредните недели треба да одржи концерти во Франција, Италија, Швајцарија, Шведска, Белгија, Холандија, Полска и во Австрија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации „Хоризонт Европа“ од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.