Свет
Плашејќи се од зараза со коронавирус, во Индија лекарите ги исфрлаат на улица
Бидејќи пандемијата на коронавирусот во светот се влошува од ден на ден, стравот од коронавирус се зголемува и во Индија, а медицинските работници во првите редови го носат најголемиот товар на јавната паника.
Индија досега има пријавено 562 случаи на новиот коронавирус, релативно мал број во однос на големината на земјата и густината на населението, пренесува Си-ен-ен.
Сепак, во земјата се забележува зголемување на вознемиреноста како резултат на драматичната блокада на земјата, а ниту Индија не е заобиколена од сцените на панично купување и вознемирување на лекарите и другите медицински професионалци кои се во првите редови на борбата против злобната болест.
Медицинскиот персонал во главниот град Њу Делхи соопшти дека биле дискриминирани од заедницата поради страв дека можеби се заразени со вирусот затоа што работат со заболени пациенти.
Некои лекари пријавија дека биле исфрлени од нивните домови или дека им се заканувале дека ќе им ја исклучат електричната енергија.
„Од лекарите, медицинските сестри и другите медицински лица кои се грижат за заболените од новиот вирус се барало да ги напуштат своите изнајмени домови, а некои дури и присилно биле избркани од сопствениците на куќите од страв дека ќе бидат подложни на инфекција“, се вели во писмото на Здружението на лекарите испратено до министерот за внатрешни работи, Амит Шах.
Многу лекари сега се на улица со својот багаж и немаат каде да одат – се вели во писмото, во кое се бара Шах да преземе нешто и да ги заштити медицинските работници.
Индија ја започна најголемата блокада во светот, која ќе трае 21 ден, објави премиерот Нарендра Моди, предупредувајќи ги граѓаните дека мора да останат внатре или да ризикуваат да ја повикаат пандемијата во своите домови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.