Свет
Познат комичар за протестот поради цртежите на Мухамед: Дали ќе се казнува и навреда на еднорог?
Славниот британски комичар Рики Герваис ги исмејуваше демонстрантите што се собраа пред едно британско училиште и побараа разрешување на наставник кој наводно на децата им покажувал слика на Мухамед принудувајќи го директорот да ја откаже наставата за 980 ученици.
Blasphemy? Fucking Blasphemy? It’s 2021 for fuck’s sake. What next? People being punished for insulting unicorns?
— Ricky Gervais (@rickygervais) March 26, 2021
Герваис, кој се прослави со шегите на сметка на религијата и честопати вулгарни и навредливи шеги, објави на „Твитер“: „Богохулење? Е*ано богохулење? 2021 година е, боже мој. Што е следно? Луѓето ќе бидат казнети за навреда на еднорог?“
Инаку, Гeрваис на „Твитер“ го следат 14,5 милиони луѓе.
Британскиот министер за образование синоќа рече дека ги осудува заканите и заплашувањата на кои бил изложен наставникот, кој беше суспендиран за прикажување карикатура на Мухамед на час.
Министерот Гавин Вилијамсон истакна дека протестите пред училиштето во западен Јоркшир се целосно неприфатливи додавајќи дека на наставниците им било дозволено да ги изложуваат учениците на предизвикувачки или контроверзни теми, пишува „Телеграф“.
Неговата изјава следува откако вчера утрото десетици демонстранти се собраа пред вратите на средното училиште „Батли“ принудувајќи го училиштето да ги советува учениците да останат дома додека полицијата го чува училиштето. 29-годишниот наставник по религија наводно им ја покажал на учениците контроверзната слика за време на часовите во понеделникот. Тој мораше да побара засолниште во четвртокот вечерта откако полицијата изрази загриженост за неговата безбедност бидејќи неговото име се појави на интернет.
Инцидентот се случи неколку месеци откако исламистички терорист обезглави наставник во Франција, кој на учениците им покажа слики од Мухамед.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вучиќ во Мостар се налути поради прашање за Сребреница: Не прекинувајте ме, проблемот е во тоа што измислувате
Српскиот претседател Александар Вучиќ е во Мостар, каде што го посети тамошниот економски саем.
„Не е вистина, не измислувајте. Утврдено е дека Србија во никој случај не е одговорна за геноцидот, само да се има предвид. Не доведувајте го во заблуда народот како што вие ги мамите луѓето во Сараево дека сум носел снајперист и сум пукал во некого. Не прекинувајте ме“, му се обрати Вучиќ на новинарот.
„Проблемот е што постојано измислувате што вие во Сараево не можете да се држите до фактите, мора да измислите нешто“, продолжи тој.
„А да ме сослушате мене“, повторно се обрати Вучиќ кон новинарот.
Додик се приклучи велејќи дека повеќе Срби биле убиени во Сараево за време на опсадата отколку што биле убиени во Сребреница.
„Но, за Србите не постои правда“, рече Додик.
„Во Сребреница секако е извршено страшно злосторство. Не беше проблем некој да дојде да покаже жалење. Ве молам, не измислувајте работи“, додаде Вучиќ.
Регион
По Бил Клинтон и Тони Блер добива статуа во Косово
Статуа на пораншниот британски премиер, Тони Блер, во природна големина ќе биде поставена во Косово.
Статуаата е изработена од косовскиот скулптор Агон Ќоса, кој како и другите етнички Албанци од Косово верува дека тој одиграл водечка улога за време на бомбардирањето на НАТО во 1999 година, пишува „Индекс“.
Дваесет и пет години подоцна, Ќоса ја комплетира глинената статуа на Блер во природна големина, која подоцна ќе биде излеана во бронза и поставена на 12 јуни во Урошевац на булеварот што ќе го носи неговото име. Датумот е симболичен и го означува крајот на војната во Косово во 1998-1999 година, се додава.
„Решив да имам статуа на Блер во нашиот град и сакав да го претставам среќен“, изјави претходно Ќоса, додека работеше на статуата на која Блер е прикажан во костум и насмеан.
Според податоците на Државниот завод за статистика, повеќе од 10 лица на Косово имаат имиња како Тониблер, Тони или Блер, напишани според локалниот изговор.
Кога Тониблер Гаши се родил две години по завршувањето на војната, неговиот татко не се сомневал да го именува своето првороденче по Блер.
Гаши, кој сега има 22 години, имал девет години кога во Приштина го запознал поранешниот премиер.
„Како да сум сретнал пророк за нашиот народ… тој ми ја подаде раката, а јас тогаш се чувствував одлично“, раскажува тој.
Покрај поранешниот британски премиер, својата статуа во Приштина, главниот град на Косово, ја доби и Бил Клинтон, кој беше американски претседател во времето на бомбардирањето на НАТО.
Блер е повикан да присуствува на настанот, но засега не одговорил дали ќе допатува.
Свет
Путин разговараше со иранскиот претседател
Руската државна новинска агенција РИА на својот канал на „Телеграм“ објави дел од разговорот меѓу рускиот претседател Владимир Путин и неговиот ирански колега Ебрахим Раиси.
„Путин и Раиси разговараа за ситуацијата на Блискиот Исток во телефонски разговор по израелскиот напад врз иранскиот конзулат во Дамаск и одмаздничките мерки на Техеран“, соопшти Кремљ.
„Путин изрази надеж дека сите страни ќе покажат разумна воздржаност и нема да дозволат нова рунда конфликти“, се вели во соопштението.