Свет
Полицајци во Њујорк отруени со белило, пиеле шејк во познат ресторан
Тројца полицајци се разболеле и биле пренесени во болница откако во ресторан за брза храна во Њујорк пиеле пијалак за кој се верува дека бил контаминиран со белило, пренесува порталот Б92.
Веста за инцидентот прво се појави на социјалните мрежи, а подоцна беше потврдена и од полицијата.
At Bellevue Hospital, checking in on the police officers whose drinks were apparently poisoned at a lower Manhattan Shake Shack tonight. Also stopping by the scene to update the media. pic.twitter.com/D1sjHx8IsM
— NYC PBA (@NYCPBA) June 16, 2020
Њујоршката полиција соопшти дека полицајците биле пренесени во болницата откако консумирале непозната супстанција во ресторанот „Шејк шак“ и дека се води истрага.
#BREAKING When NYC police officers cannot even take meal without coming under attack, it is clear that environment in which we work has deteriorated to a critical level. We cannot afford to let our guard down for even a moment. pic.twitter.com/fbMMDOKqbV
— NYC PBA (@NYCPBA) June 16, 2020
„За време на оброкот, полицајците сфатиле дека во нивниот пијалак има отровна супстанција, за која се верува дека е белило“, се вели во сопштението. Ниту еден од полицајците не е во животна опасност.
Полицијата требаше да ги следи најавените протести во Долен Менхетен.
Како и другите американски градови, Њујорк се соочува со секојдневни протести од 25 мај, кога Афроамериканецот Џорџ Флојд беше убиен под полициски надзор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.